SI MIRAS


Si miras sos isteddos
sas aeras
custa notte de oscuru profondu
bides chi no est solu custu mundu
pérdiu in mes 'a buju e lugheras .

S ' osservas sa rena in su desertu
ch ' est logu sena muros o cresura

no nd ' ischis cantidade ne mesura
de cussas frichinidas nde so tzertu .

Si pensas cantu mannu ch ' est su mare

una saltu salid ' illacanadu

cantos buttìos d ' abba l ' han formadu
no t ' abbastat sa vida a los contare .

S' abbadias
cantas erbas
mattas
frores
mudan sa terra peri d' ormi situ

bestias e pisches chi faghen abita

cantos sabores
nuscos e colores .

Tando preguntas e chircas invanu
cai ' est su misteriu 'e custu immensu
ca nde cheristi connoscher su sensu
ma fuzit a s'intelletti umanu .

Cumprendes solu chi no b ' hat defettu
in sa forma
gradu e andamentu

Chi hat disposta cust ' ordinamentu
l' hat fattu cun amore e cun affettu .


Gian Pietro Angotzi
Scano di Montiferro 19-12-1947
C.so Vittorio Emanuele
49
09078 Scano di Montiferro
tel. 0783-73895