Si d'una notti di stelli insunniti


La boci di lu 'entu da allonga m'ha arricatu
titìa di murena un toccu chi m'inghjéla
calchédddu d'ossi illa stritta ltampatu
come animali moltu illa carréra.
Dulciura di 'ilenu t'ha bàsgjatu
pal sapé si pudia sugghì ridendi
di la to 'ita l'ammentu
e in bruttéi di chisgjna
l'ingannu di fochi accési bii lu sangu tóiu
comu fùssia lu primmu ghjuramentu.
Ma di cióia prummissa la mascara si cala
e s'alza nuda 'iritai
tìmpesta come d'unda chi anda e veni
undi l'anima sfatta caniulenti
carriìgghja luci e gruci illu mattessi tempu.

Calchéddu d'òssi illa stritta lampatu...

Si d'una notti di stelli insunniti
trigghjli tratta celta d'assentu
pudessia eu suprà
di caaddhati l'unda pruibbita
apprudà votarìa illa tó rena

come sciappa di petra
chi illu so cori addoca ammenti dì culori
pa spagli ill'ócchj tói
di soli brusgendi li razzi.
Ma oramai sei troppu allonga e troppu taldu
ed eu no socu più undi tu fugghj
ne tu undi eu andu.