SI AS AMAU E...

Si as amau a cor'abertu
e 'olis iscìri
poita nemus
t'at mai imprassau
bai
aintr'e noti
a su sartu
ingolli po cumpangius
s'abetu e su sentidu
scebèra po letu
i srucus de s'atongiu
as a biri
in s'obrescidroxu
su stori strangiu
scapai 'òlu
a sol'a solu
de su monti prus artu
tasta cun sa manu
s'araxi de beranu
apeita
a sa muda
s'oru de s'arriu prus arrimau
boddi
de s'arruaxru pru' sidìu
s'arrampu pru' froriu
limpiàuddu de onnia spina
e donaddu
a su mari pru' provau.
Imoi
imprassa totu custu
serra is ogus i ascurta...
no ti parit
de i-strìngir'a tu'etotu?

Teresa Piredda Paolini
nata il 9.9.1948 ad Escolca (Nu)
Resid. in v. G. Ruggia 9 - O6124 Perugia

tel. 075/5837975 -cell.3478323016