SEU DISIGIOSU

Seu disigiosu di essiri s'amori e sa speranza

s'ammainu chi s'incarnat in s'incrasi

imbriagau de is profetas de infiniu.
Seu disigiosu di essiri fermentu
po su beni de sa terra mia

candu circu intre su soli pizziosu
de is assidius mericceddus de s'istadi

di essiri mèri arricu e poderosu
chi cun sa bertula prena de granus di oru
spatinat su trigu in s'istadi alluta
allirgada de is dormideras de fogu.
Seu disigiosu di essiri paxi
intre is olivarius impratiaus
cun comas scrabionadas

in su mentras chi passenziosas
abettant chi su merì fadiau
'ndi calit de is montis a su mari.
Seu disigiosu di essiri fragu
de una terra arada in su scuriori
de s'atongiu incamminau
conca a su frius de s'ierru.
Seu disigiosu di essiri no prus poburu lamentu
chi prangit is penas cun su cantu

e de totus pagu ascurtau

insaras
Tui Signori...
chi alcanzas is disigius de su coru

fai chi addia de su momentu miu
m'arricciada su surcu de sa terra
po chi sia semini bonu po s'incrasi cosa sua.



MEDVED Sergio
Via S. Gerolamo
8
09047-SELARGIUS (CA)
Tel.070846442