Saludo s'illustrissima
chi a tale cuncursu organizzadu
zente chi de conoschet sunu in gradu
sa bella e metricada poesia
como deo imbio custa mia
ca gentilmente nde sò invitadu,
mi ha mandadu unu formulariu
sig. Toninu Ledda segretariu

Sa giuria, cumposta de professores,
chi cumprendene a fundu onzi materia
e de sa poesia giusta e seria
isco bene chi sun connoschidores
e non mancan de dare sos onores
a chi menzus sa rima la temperiat
ca si sa rima :ès mala temperada
meritos de onore no b'indada

Infinis, a custa impresa manna
mi sottomitto modestu e cortesu
a Masala professore Ottieresu
faghet sempre su giustu e no inganna
s'illustre professore Antoni Sanna
e professor Brigalia Tattaresu
su Nuoresu professor Gavinu
Mariu Mossa cun Ledda Antoninu

"Su bandidu"