Informazioni sull'opera
SEBUTZA
S'ebutza mia
sa murtin'uscrada
c'at totu cantos ballait in s'ogu
sa chi fuit po me ispassu e zogu
mescas cando apena fut briada;
e si fut de isprone allavranzada
de sutta peese buttaiat fogu..
Fuit s'ispassu meu e s'allegria
c'assigundait sa idea mia.
Arabu samben meda nde zughiat
non dae pagu
de antiga data
maseda; che pintura bene fatta
chi dogniunu s'innamoraiat
a manos sola sola s'acostiat
istande acant'a mie rata-rata
e intrande cun deo in arresonu
tratande de su malu e de bonu.
Fut un'ispantu
ca mi cumprendiat
e issa si faghiat a cumprender
cando c'apenas la cheria tenner
cun d'unu sulbiu a manos m'eniat
e cando l'inseddai si teniat
pront'a s'idea mia de s'arrender;
cumprendiat ca fuo su padronu;
tucamis e sighimis s'arresonu.
Mai l'ap'ida una orta guvarda
antzis fut presumida e fut altera
ca mi nariat: so sa ratza vera
de sa Sardigna ca sò vera sarda;
la tepizis intender sa bastarda
rapresentande una ratza intera
e faghindesi po proa unu ziru
sol'in su tretu de unu chiliru.
Dogni oju che raju li lughiat
ca s'animu zughiat fort'e duru
a cadd' 'e issa andai siguru
logos iscogliosos non timiat
ue cheria deo mi zughiat
saltiande molas e dognia muru..
Fut pronta po mi dar'ogni cuntentu
e intantu sighimis s'argumentu!
| Titolo | SEBUTZA |
| Sezione | |
| Autore | Giov. Andrea Migheli |
| Nome | B20040057 |
| Anno | 2004 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2004 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |