SAS LODES A GRAZIA DELEDDA"

Adoret sa Sardigna una Deledda
Chei s'Iscandinavia un'Odinu.
Beneitu nde sia su terrinu
C'à dadu a Grazia su Natale
Scrittrice de vama mondiale
Zente distinta de sende pisedda.

Nara totta sa gente Nuoresa:
"Dae ettade de sos treigannos
Discuttiada cun personaggios mannos.
Vi s'amiru de sos suos professores
Affettuosa cun mannos e minores,
Esemplare de modu e gentilesa".

Tottus sos Sardos ti aman nde coro
Che mamma verdadera sese amada
De su premiu "Nobel" coronada
C'à de grande iscrittrice à su diploma
E pro cussu giammadu ti à Roma,
Dae sa terra natia de Nuóro.

Isco cun nostalgia sese andada.
In Roma tue ses morta e sepellida,
Lassadu asa sa terrena vida
Peró su nomen tou est'in s'istoria.
Ue cantas in sa celeste gloria
Ca restas pro s'eternu immortalada.


Tue as dadu gioias e cuntentu
A sos tuos amados genitores,
de sos collega tuos iscrittores,
E a dogni vivente isolanu
Meritas cun Satta Bastianu
e t'innalzare unu monumentu.

Vattu de incantevole bellesa
In mesu de Nubro in su giardinu
In manera chi d'ogni cittadinu
Iscada inue è riposende
E su saludu li dian passende
A sa grande iscrittrice Nuoresa.

AUTORE "P".


"S'avventura de su sognu ispaziale"

A ora mesanottevi pro s'una,
Essende in lettu cuntentu dormidu,
Unu sognu vantasticu appoidu,
Olende via cun d'unu aeroplanu,
Cun d'unu russu e unu americanu
Totas tres direttos a sa luna.

In sa celeste incantadora atmosfera
Che appo idu tantas cosas bellas:
Incontrei atteras navicellas
sas lunas babbis,chi à mandadu Ike,
E de sos Russos sos isputinicke
Girende intro s'orbita e s'aera.

Però deo andai pius lontanu
Finu a sa luna vicinu,vicinu.
App'idu a oju nudu su terrenu:
B'à mares,pianuras e montagnas.
Desoladas pariana sas campagnas
Non s'idet opera d'un essere umanu.


Chilco pro atterrare unu pianu.
Li nesi a sos cumpagnos:"istade attentu,
Bos servat custu de avvertimentu,
A bois,chi sezis fortes in sas gherras
però pro iscoperrere novas terras
Occuret sempere unu Italianu".

In s'istante si sun igelosidos
E mi puntan s'aero versu Marte
Pro non dare a s'Italia sa parte
Si sa luna beniada occupada.
S'avventura brighende es terminada
Como attendo chi b'andene sos ischidos.

Bonu viaggiu e non appeds male,
Cun salude,cun paghe e allegria.
In manos tua l'affido giuria,
Chi analizzas su sognu a intentu
E si las-pedat sa coppa de argentu
L'asa a dare a su sognu ispaziale.

AUTORE P.


"Sa vuntana barbaricina".

. A milli metros de su livellu e mare
in Ollolai appo idu una vuntana
De abba cristallina vrisca e sana
Es giamada des sas vuntanas "Reina"
Pro tè vuntana barbaricina
Bennidu che se oe a ti cantare.

Vuntana de salude ses piena,
Su tou manorama est'un incantu.
Besene asa si ti de su vantu,
Es denu sacru santu e sa natura
Su su ti are ce locadu in cust'altura
faghende vista a sa campagna amena.

In s'istiu ses piena de gitantes
E turistas che pasana ogni die.
Fagnene a gara a visitare a tie
Tottus ses chin che passana in viaggiu
Ti Ti saludana,ti rendene un omaggiu
Chei sos personaggios importantes.