SARDIGNA MAMA.

Mama hona, generosa
Sempre istada ses tue
Mama. ch'ischias inue
Ponnes sa manu piedosa
Cando in hora dolorosa
Sos fizos t'invocait
In sinu tou agataiant
Sa ennidade, sa vida
Et como sese avvilida.

Como ti negant s'affettu
Como ti ferint su coro
Vituperian su tesoro
Su c'has nutridu insu pettu
Fatendedilu a dispettu
A t'impedire su sonu
De su tou faeddu bonu
Pro legge est istadu iscrittu
In pabilos e in edittu

Non devent ismentigare
Sos fizos degenerados
Chi ti los has educados
Sempre a bene operare
Coraggios in gherrare
In sa difesa famados
In donzi tempus istados
Mastros de mente e demanos
Non viles, macos tiranos

Oh mai non si pode leggere
S'origine a tistruncare
Ma pro cantu des duraee
Tes in su mundu curregere
Ast dirittu de ti proteggere
Su nome tou non pendet
T'ingiuriant e ti offendet
Sos fizos falsos indignos
Ismentigadu han sos carignos

PADRILLA SARDU.


SU GRILIU.

Paschende happo idu unu grillu
Bestidu e brunu ,lucidu formadu
E cando bene bene s'estettadu
A sa tana sichintra tranquillu

Pustisi de pagòra ispabillu ispabillu
Bessidi e cantada su cantigu usadu
Tando sos grillos de su ighinadu
A cantare si ponene a puntillu

Un'hora e godinentu e veru e incantu
Hapo passadu iscurtende attonidu
Do tantos grillos s'armonicu cantu

Tando unu disizzu mest bennidu.
E mi torrada in mente ogni tantu
D'Esser che grillu felice naschidu.

Padrilla Sardu.


SA FORESTA.

Pustis su sole intradu appena appena
S'aria èst cominzende a imbrunire
E sos puzones prima e dormire
Cantana una confusa cantilena

Arvures e puzones aun'iscena
Fachian su coro intendire,
De una die prima e finire
De su eranu lughente e serena

Unidos parian de coro preghende
Sos puzones arvures e fiores
E in saria calchi isteddu fi lughente.

Sa paghe naturale sena zente
De odioa e venditas e rancores
Fi sa natura a Deus ringraziende.

Padrilla Sardu.