SARDIGNA CORAGIOSA


Cando fi su piave murmuttende
Chi ses bolada currende ainie
Pro cuntastare ite fi suzzedende.

Ma sos massacros chas bidu su die
Igue a ponnes frenu ti han tratesa
Cumpitu duru riservadu a tie.

Finas si fi diffizile s'impresa
L'has'affrontada a fusile in manu
Finamentas' a su die de sa resa.

Non t'hada intimoridu su baccanu
In s'isonzo
in su carsu
in col di lana
Ue su patimentu fi soperanu.

Tue de riscatare aias gana
Dae manos de s'Austria prepotente
Sas terra nostra chi leadu s'ana.

Ses in sa bainsiza prontamente
Vittorio Veneto
in Trento e in Pola
Intervenida coragiosamente.

Pro chi fattu non l'eppas' a sa sola
In su logu pius perigulosu
Fini sos Sardos pistende s'alzola.

De Trieste su entu impetuosu
No a frimmadu sos' eroes sardos
Cun granatas' e tempus burrascosu.

E finas no apende logos caldos
Mai abbandonadu han sa trincea
In puntos d' avanzada e baluardos.

In Etiopia
Somalia
Eritrea
Cantu sambene versadu amus igue
O sin'o! cun La Marmora in Crimea!

Pro diffendere cherradu as' in tot'ue
In Bosnia
in Kossovo
e in Irak
Sempre pronta una manu a dare tue.

De s' ospitalidade amantiosa
Dignitosa affidabile e sinzera
Chi das su coro a cale siat cosa


Pro diffindere s' Italica bandela
As' onoradu s'eroe Nizzardu
S'isola incantada de Caprera.

Cun meritu
prestigiu
è riguardu.