Informazioni sull'opera
SA VINE DE UNA MAMMA ABBANDONADA
Poi tantu penare e sufferenzia,
De una vida longa e turmentada,
Oe ses finalmente trapassada,
Lassende sa terrena penitenzia,
Bividu has norantannos cun prudenzia,
D'amore e de virtude vis dotada,
Pro tottas'noe vizzos dedicada
Ti ses piena d'amore e de passenzia
Dies e nottes , oras trepidante,
Dae s'adade' e'vint'annos appena
Matottu pro vizzos tuos hana offertu,
in s'ora ' e ' sa morte has prus suffertu
Prus de sa sorte sa crudele pena,
Non d'haere unu in su tremend'istante,
SA EZZESA
S'Oju istancu, su passu tardu e lentu,
Abbandonadu supra su bastone.
Su respiru affannosu e sa persone
Incerta in dogni sou movimentu,
Narana chi vicinu est asos chentu:
Chi vidi a tempos sou campione;
Manizzende sa briglia ei s'isprone,
Chivi'de sa contrada unu portentu.
L'amentan cand'imbrazzos su vusile,
Pigai pro andare a cazza manna,
Mai che torraia senza vera,
Oe de sole la chirca' s'ispera,
pro s'iscaldire ca tremme che canna
A mala pena giampa su giannile.
| Titolo | Sa vine de una mamma abbandonada- Sa ezzesa |
| Sezione | |
| Autore | Supramontes PSEUD |
| Nome | 1958-40 |
| Anno | 1958 |
| Argomento | |
| Descrizione | |
| Lingua | |
| Editore | Premio Ozieri |
| Contributore | Tecnoservice s.r.l. |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1958 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |