SAVIACRUCIS


Passende sa Via Crucis ap'ammiradu
Cun quadros de vida cristiana
Chi in cussu tempus tenia lontana
Priute su coro tenia impignadu.

Pro pessichire un'amore profanu
Ismentigadu ap'unu sacru amore
Ma ti prego
perdonami o Signore
Giamami attie isterremi sa manu.

No isco cantu tempus cha passadu
Senza pregare chischende cunfortu
Chi no m'ammentaia chi fis mortu
O si fis mortu e fis resuscitadu.

Solu torradu mi sese a sa mente
Candu sa Via Crucis appo idu
Cussa tentazione appo fuidu
Prostrada a sos pes tuoso riverente.

Mai pensadu aia custa cosa
Signore a ti lassare in abbandonu
Si de s'anima mia ses padronu
Isterremi sa manu portentosa

Illumina tue custa mente mia
Cha a finire no andede in s'abissu
E fache chi non pense pius'a issu
Ma chi adore prechende attie ebbia

Mentres intro de chegia meditende
Imbenugiada adainenti tou
E in sa Via Crucis dai nou
M'abizesi chi fia pianchende.

O Deusu dai cussu grave pesu
Cantu ti dia cherrer liberare
In modu de mi fachere perdonare
Tottu sas boltasa chi attie appo offesu.

Chie amada e ti pregada ogni die
No ti traichede dae oe a crasa
Tue chi amore in s'iscunfortu dasa
Deo s'amore meu rendo attie.

Tue ch'amore regalasa a tottu
Animas sacrilegasa e pentidasa
Sas povera alvechese ismarridasa
Recuisi sempre a mesu su fiottu

Fache cun tegusu pro sempre abarre
E un'atera olta non m'ismarre