SA RUGHE

Rughes in mundu nde faghene tantas
De linna de metallu e de avoriu
Totus benin,giamadas rughes Santas
No este un'impostura ma est notoriu
E benini adoradas totagantas
Pro anima de inferru e purgadoriu
Pero ' sa vera lughe pro des tinu
Este sa chi giughe su poveru mischinu

Tue populu bacciu isco ca chi ignorasa
comente ana sa Rughe cuncepida
Cristos sa rughe ha giutu pagas oras
Su poveru la giughe tota vida
Mentres chi sos Signores e Signoras
mai l'ana sa Rughe connoschida
Prìte la lassana giughere a sos tristos
Pro s'amore de Deu e de Cristos

O poveritu sa pesante Rughe
Ti an corrigadu sas persones malas
E tue pnztente ti la giughe
Pro cantu posta ti che l'ana in palas
Cando asa isperanza e bide lughe
Faghen prestu truncaredi sa alas
Avanzare non podese unu passu
Istare deves a livellu bassu

TELEMACO