Sa oghe tua lontana

Cando ti fia faeddende
s'aba est falada
in silente murmutu
subra su tempus in aisetu
pro prenare su trettu restadu
de sas allegas nostras de attesu.

Cando tue fist a faeddu
iscurtaia s'aba
pispisiende lebia
subra sos pensamentos
chi traessaiant sa notte

In fondu
e sutta
bi fit sa oghe tua
comente una cantone
chi cheriat intrare
in sas prigas abertas de sa terra
assuta dae tempus
e sidida de ganas.

Pariat unu cuncordu
s'aba iscurtada
in sos trettos de sas umbras
chena griglios e chena istellas.

Pustis
muda
est restada sa notte
addasiada in camineras de sonnios
pro izare
in banzigos de disizos
sas avreschidas frittas
de una musica lontana.