SA NOTI DE IS TRES URREIS

Bianca
luxenti de lugori
Sa noti da passai in dormibilla
abetendi in tribulia
sa magini

de una beca femina strambotica
In su letu acugucada
ingurtendi su suspidu
castiai s'arrogu e celu
de sa teula de birdi
Mannu su disiju
de durcis e joghitus
Generosa dilliranti pantasia
passendi da biei in sa teulada
a intru de su sacu
sa pipia mia de tzapulu bisada
Su trumentu acabada a menjaneddu
in peis de su letu unu billetu scritu:
-Perdona. Ocannu est poburita!-
Cun tristesa e ressinnyu cumprendei.
Annu apustis annu
Gusta beca stimada d'abetai
Fintzas ki est lompia crueli sa cuxientzia
a mi scoviai sa trampa
de custa poesia.