SA MORTE DI TI ANDRIA.

• tarda sera intendu sa campana,
Tristamente sonende s'agonia,
E penses a su 'ezzu 'e ti Andria,
Ruttu in sa disgrascia soperana.
A cantu ischidu: accumpagnadu l'hana
Sos parentes cun sa sorte Rosolia,
Sos fizos fin gioghende míseridos,
Isculzos, mesu nudos e famidos.

Sa campana! Fì giuntu: ti Andria
Est mortu ' e mischinu!
E currende bi est tottu su 'ighinu:
Nois puru b'andamus, mamma mia!
povera, o infelice, o familìa!
Ingratu l' est bistadu su destinu:
Otto fizos ha lassadu duramente:
S'unu pius de s'atteru innozente.

Tremenda sorte infame non cunfortu;
Tristura umana perfida in s'amore! -
Ingiustu s'est duplicadu su dolore:
No est sol'isse: ma est tottu mortu:
Innozente pizzinnos in su fiore!
Est finidu pro issos s'acconortu:
No l'intendene piusu cudda 'oghe
Giamende: "fizu meu 'eni inoghe !"

Non pius giogos, non piusu affettos,
Non pius risu e non pius giogu:
Tottu est finidu pro cuddos dilettos,
Tottu si c 'ha gitte a cuddu logu:
Finidos murmurios e segretos:
Est zessadu pro issos cuddu iffogu.
E de los vivere e de los istinare
Dolore tristu solu a bi pensare.

Pena faghiana e mi faghian dolu;
E mi dezzido a non los trascurare
E cominzo sas giannas a bussare
Cun birgonza fatale e solu solu
Ma fì tantu chi su meu oriolu
Mi costringia sempre a bi torrare:
S'idea s'est totalmente abitada
De mi parre trabagliu a zorronada.


A UNU IPOCRITA.

Pensamentosu sese triste e mudu:
Pro cosas ses resentidu pianghende?
Pares offesu e t' 'ido suspirende,
In chirca 'e cunfortu e de aggiudu:
Rimediu non as tue, cale impudu,
Si sos peccados tuoso ses paghende:
Niunu ti ada a dare su perdonu
Ca fisti sempre malu e mai 'onu.

Sempre lu fisti tue prepotente,
Ingiustu falzamente e percosseri,
Villanu senza garbu e marineri,
D'animu vile, perfidu e fetente,
Poveru illusu! Nadu ruzzanente,
Eppuru ti lu creisti cavaglieri
Como ti hana tottu anbandonadu:
Ses che cane infettu e non curadu.

Itte pretendas chi fattas mezzorias?
Ingiusta sese istadu e senza amores
Risolutu ti has leadu cussa via
Etue mi naras:— So' un impostore,
Eppuru cun tottu custu eo mi creia
S'omine pius giustu e s'onore:
Tando est giustu su non meritare
Perdonu cantu cheres a ti dare.

Podese pretendere chenas de onore,
Si falzu sese istadu totta vida?
Comente ischisi no è stabellida:

T'has pienu sa vida 'e disonore,
Ses che Giuda Taddeu traittore,
Has totta s'onestade invertida,
Sempre su falzu e chena veridade,
Naschidu a posta pro sa falzidade.

Chircalu, nessi, como a ea 'ezzesa
E procuradi sinzeros sensos bonos
E a tottu lis pedis sos perdonos
E frundas cantu gighese de malesa:
S'infamia, s'ingiustizia, sa pretesa,
Ca solu goi podes tenner donos.
Perdonu sempre pedi e senza impudu
E si brighèrana a tie, istadi mudu.

Tempestesu


PRO SA MORTE 'E SA FIDANZATA

Sa rughe mi da s'avvisu a su dolore
E m'ammenta sa tristura, su piantu,
Siad' in domo che in campusantu
Cando la 'ido mi faghe terrore.

Cantu m'est tristu cussu logu feu!
Cussa terra mi atti s'ispaventu,
Ca pare de intender su lamentu
De cudda anima cara, Deus meu!

Bi suffro penas si no sò costante
E no la lasso mai in abbandonu.
De cussu logu mi paffo su padronu
E, s'est farzu, nde morza in cust'istante.

Ahi! Rughe fatale dali avvisu
Chi so' inoghe fissu ogni die,
Pensamentosu e preghende a chie
Mi daìa cunfortu, giogu e risu

Narali chi la gitto sempre in mente
E non fui dai me cudda girada,
Chi mi faghia cudda immaculada,
Bonignamente c'anima innozente.

Eo no lu so no indifferente,
Happo sos modoso chi tue haisti
E so' prezzisu comente mi fisti:
De duos coros unu è solamente.

O anima innozente, prega tantu
Pro ghi potta tennere isperanzia
E chi torret sa solita abbundanzia
De risu, de ispassu e de incantu!

Zesse su fattu, custu mantu feu,
Chi m'affriggi su coro cun sa mente,
E torret cudd'anima innozente.
Chi la desizo a fiancu neu.

O Deus meu, dademi s'onore,
Chi preghende bo so' a pilu isortu:
O torret issa o pur'eo mortu.
Solu goi pagades cust'amore.

Grazias tantas dai coro mando
E perdonu pro Bantu happo pedidu
A bois Deus chi m'azis sighidu
In su duru dolore raccumando

Tempestesu