Informazioni sull'opera
SA MOLA SEGADA
Non nd'hapo neghe si ti ses segada:
a pala ti giughia e, gherra gherra,
Finas chi mi l'has totta cariada.
Fisi pesante e, ponzendedi in terra,
a una pedra chi bi fit in bia
has fertu, e ti ses fatta perra perra.
Addescadorzu 'e porcos ti giughia
a us'e concu, posta franchinsusu,
e intro s'impastadu bi ponia.
Non fit de zertu pro nde fagher usu
a maghínare s'orzu e-i su trigu,
ca molas g-oi non nd'usant piusu.
Fis'importante in su tempus antigu
cando non esistiant sos molinos,
tand'e te si serviant de obligu.
Moliada cun pegos aininos,
orz'e trigu faghias a farina
Supro su mere e pro ateros bighinos,
Su rude motu tou,sa muina
e cantilena de sa molinzana
faghian'una muslca divina,
chi faghía'girare a bona gana
su pazient'e umile animale,
mentr'issa filaia' linu e lana.
Daiat s'alimentu puntuale
s'opera tua minores e manno
e como t'ido reduida a tale?
Chie t'ha'fattu? Chissà cantos annos
t'ind'ha bogadu custu mastru a lughe,
pro ider custu mundu tott'ingannos!
Una sigla D,V, b'hat in sa nughe,
unu circulu fattu in modu istranu,
in s'ubra, isculpida b'est sa rughe.
Inue finit ogni prepotenzia
de s'omine chi perdid'è su viziu,
non pensat chi sa miser'esistenzia
Andat isfatta in custu precipiziu.
Raimondo BECHERE
(Sassari)
Titolo | Sa mola segada |
Sezione | |
Autore | Autore Anonimo |
Nome | 1957-09 |
Anno | 1957 |
Argomento | |
Descrizione | |
Lingua | |
Editore | Premio Ozieri |
Contributore | Tecnoservice s.r.l. |
Tipo | |
Formato | |
Fonte | Premio Ozieri |
Relazione | Concorso Premio Ozieri 1957 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |