Sa moda 'e s'amore

Amore
est cuddu raru sentimentu:
in coro tenner caru lu tevìmus
pro chi est su tesoro cumprennìmus
chi mai diminuìt da valore

est raru sentimentu cudd 'amore:
in coro lu tevìmus tenner caru

amore
cuddu sentimentu est raru
tennere lu tevìmus car'in coro
chi cumprènnìmus po ch'est su tesòro
chi azuàre non poded'ancòra.
S'amore
a su male ogni ora
iscùdu
de contìnu che divèntat.
A b'oltas
su dillìriu rasentat
su chi si hat pro Deus Soberànu
e finzas peus;in tempus luntànu
suffèrtu su martiriu hana pro Deus

e in tempus luntànu finzas peus
pro Deus
suffèrtu han su martiriu

a b'oltasa rasentat su dillìriu
cuss'amore de gasi tantu immensu
però est mutivàdu po su sensu
ca est tottu pro s'Essere Divìnu.
S'amore
a su male
ogni ora
iscùdu
che diventat de contìnu.
Si brusiat su fogu su terrìnu
b'est in su logu su naturalista:
in su miràre cussa cosa trista
po indùsiat
est lestru a istudàre

in cussa cosa trista in su mirare
est lestru a istudàre
no indùsiat

si su terrìnu su fogu che brùsiat
b'est su naturalista in su logu

si su terrìnu brusiat su fogu
istudat;pro amore dat s'azùdu.
S'amore a su male
ogni ora
che divèntat contìnu de iscùdu.
Est bellu
si atzìnnu de saludu
zedit
su pitzinnu a s'anziànu
o puru canno amoròsa manu
a su chi pedit dada calchi cosa

o puru canno manu amoròsa
calchi cosa dada a su chi pedit

a s 'anziànu su pitzinnu zedit
de saludu
est bellu si s'atzinnu

a s 'anziànu zedit su pitzinnu
su saludu:bella est prov'assora
Che diventat contìnu de iscùdu
s'amore
a su male
ogni ora
E piàghet che dama incatadòra
sa chi cun brama ispràghed'amore

o che su bellu galànu fiòre
chi de s'erànu ispùntat cann'est s'ora

e piàghet che dama incantadòra
sa chi amore
ispràghet cun brama

piaghet che incantadòra dama
sa chi amore
cun brama ispràghet
incantadòra
e che dama piàghet
chi forzis
no esistit s'oguàle.
Che diventat contìnu de iscudu
s'amore
ogni ora a su male.
Po Beatrice
s'amore fit tale
chi Dante
fit felize "che una ia" (1)
la estit de colòr' 'e fiamma bia
de mantu ird'e su velu biaucu
e issa non ne faghede a mancu
guida
de li esser'in su Chelu

de irde mantu
e su biancu velu
de fiamma bia l'estid'in colòre

po Beatrice tale fit s'amore
chi Dante
che una ia fit felize
e fit tale s'amore po Beatrice
chi de la perder
no hat prus sentòre (2)
Che diventat contìnu de iscùdu
ogni ora
a su male s'amore.
Però imbèssu
non tenet valòre
canno po s'interèssu enid'usàdu

chi cumbènit po alziàr'in gradu
e at attère non si penzat no

valor'imbèssu non tenèt però
canno enid'usàdu a s'interéssu
però non tenet de valor'imbèssu
a s'interéssu usadu cann'enit
po alziàr'in gradu e chi cumbènit:
e non si at in coro ogni mommentu
de s'amore...su zustu sentimentu.

1)"che una ia" = che canno si fit
innamoradu de Beatrice in zovan'edade.
2) no hat prus sentòre = est siguru chi
abàrrat semper cun issu.