SA MISSA

Cantu poto, cun rima novella,
Sa S anta Missa cherzo onorare,
Assimizo sa Rughe a s'istella
Chi sa clesia tet illuminare.

A pensare sa Missa,tantu
Cando devotu la devo iscultare,
Imbenujadu in d'una cappella
Cun veru coro si devetpregare.

Penso sa missa virtuosa tanta:
Curat su male sena meighina,
Cando devota l'iscurtat sa zente

Rendet onore a sa manu Divina,
Oppuru onorat santu o santa,
Ma est tottu sa manu potente.

Trainu


A MARIA 'E SU REMEDIU

Maria, ses de chelu sa
De terra pare istella preziosa,
Sa mamma de Cristos vera isposa
Ein su mudu s'unica aurora.

Già chi ses de Gesus genitora
Salvanos in cust'era burrascosa,
Tue che una mamma piedosa
E perla Divina puru ancora.

De chelu ses istella mattutina,
E de sa terra rosa pius amena,
Su populu, unuidu, t'est costante.

Ave Maria, istella Divina,
Ave Maria, de grassias plena,
Cunforta custu populu festante.

Trainu


SU CAMPUSANTU

Ses Calmu e campusantu,
Serras sos ossos de s'esser umanu,
Partint tristos pietos de piantu
A s'ordine chi dat su Soberanu.

S'ingrata terra chi tantu
Umiliadu d'ogni cristianu;
Dan' in su cipressu amenu cantu,
Sos puzzones; a sero e a menzanu.

Logu Santu Divinu e beneitu
Serras sos ossos de s'umanidade,
A ti pensare attristat su coro.

Deo lu giamo tristu caru litu
Ca h'andant tottu sena falsidade,
Che logu de rispettu lu onoro.

Trainu