SA MAMMA E SU BANDIDU

Iassademilu ancora atter'aizu
Siedas prus amabiles o giustos
supplicaiat a ojos infustos
una mamma pranghendesi unu fizu.

Fit issu mortu sa balla colpidu
l'haian a sa fronte e a su pettu,
e s'idiat cumpostu in d'unu lettu
sa fronte e a su pettue
latu do frunzas de chercu lanidu.

Fit miradu da omines armados
serios in s'aspettu e dignitosos;
severos, ma los faghet piedosos
sos maternos lamentos accorados

CIGNU


DISIGNOS DE MASSAGGIU

Betted'abba a prim'attunzu
nd'assueffet sos terrinos,
ch'eo cun sos porporinos
frunidos de ferru e brunzu,
ponzo fine a su geunzu
de sos campos cristi—canos,
tirende sulcios e, ranos
b ettende da—e su punzu.

Bettet nie a mes'jerru
ammuntet baddes e campos,
poninde sos primos rampos
de su laore in cuerru.
Lassadu su frittu inserru,
terra calda l'etto a susu,
faghiende fora s'abbusu
de s'erbiveru disterru.

Bettet in su dulch'eranu
bundantissimu lentore:
fettat canna su laore,
ponzat sspiga e su ranu.
Deo cun pratiga manu
l'iserbo lu torro nettu
intantu resto in s'isettu
chi Deus cumprat s'arcanu.

Bettet su sole in s'estade
rajos de oro infogados;
in sos trigos ispigados
passe sena impuridade.
Tanta bona voluntade
mi ponet in sa messera;
tant'in s'arzola est s'ispera
d'haer trigu in cantidade

CIGNU


LITTERA A MAMMA

No t'affannes pius mamm'adorada
pensende a s'istimadu fizu tou
chi no has prus consolu in lu mirare
acculzu a tie, comente in passadu,
ende minore e giovanu matessi

No! No t'affannes, crè chi so dezisu
d'enner in su paisu a t'agatare
Mamma, so desizosu deo puru
de ti mirare in visu e, ti dare un'abbrazzu affettuosu;
de ti basare e ti ringraziare
pro totu sas premuras chi has pro me.

Tantu m'aggradan sas orassiones
chi faghes a sa Virgine Maria.
Issa hat miradu sas lagrimas tuas;
sa lampana votiva chi has'azzesu!
Sos lamentos, sa supplica hat intesu,
s'Ave chi dogni die li has rasadus

T'hat salvadu su caru fizu tou
da—e sas ungias de sa morte orrenda,
chi lu fit afferrende sena dolu
pro lu fagher restare intro su monte,
umpare atteros chentu isventurados,
cumpanzos de trabagliu, chi restados
sunu de sas montagnas presoneris.

Deo, pro bona sorte, pro te mamma so salvu da sa morte.
T'hapo sognadu in cussas nottes tristas
e fis ancora a lagrimas falende
e ancora invochende
sa piedade de sa Virgine Santa.

Oh! no turmentes pius su coro toul..
No piangas t'imploro
No cunsumes sas lagrimas ti prego,
ch'issas sun preziosas che-i s'oro
Làssande calicuna a cando t'ido
e t'hapaer istrinta in coro meu.

Tando si chi unimos tot'umpare
lagrimas e affettos dogni die.
Allegra Mamma! Chi si cheret Deu
cantu prestu mi has vicinu a Tie.

CIGNU