SA MAMA.

Su nomene de mama
in dogni coro e fizzu est isserradu
gentile e delicadu
ricch'e affett'ardente che lima,
nomene ch'ogni fizzu
primmu ai custu mundu hat pronunziadu,
caru nomen'amadu
da ogn'omin'in pena cun disizzu;
ln giamat su piseddu
es'omin'ezzu mannu de chent'annos
cando in sos affannos
s'idet penende, e in s'ifferru nieddu
de s'infernale gherra
chie feridu s'agattat morzende
sempre l'istat giamende
cantu respiru li restat in terra.
E sa, mam' amorosa
su ch'haiat pre su fizzu amore
arat a au Signore
de su dolore fattendes'isposa
e i sa mala sorte
la distruit in lagrimas de piantu:
sa prend'amada tantu
l'est morta cun au asu de sa morte.
Ricca, de allegria
est sa domo dai mama custodida,
s'unica de sa vida
chi t'incaminat in sa giusta via
cui amat e isfiorit
adorende su ch'hat in terra caru
e cun sa morte morit
anghelu de sa dom'amad'e raru.
Tando torrat a mente
sas bellas dies de sa gioventude
pienas de salude
passadas in si giogu innozente,
cando fin'a su letto
pion'e amore nos accumpagnaiat:
dai laras suas beniat
unu sorris'e unu as'e affettu.

( L'Innominato )


PRIMAVERA.


Primavera de sole incoronada
benis, coment'e ogn'annu, a inebriare
sos coros chi disizzant de amare
ogni bellesa ch'in su mund'est nada;
sos puzzones chi cantant in s'aera
faghent festa pro te allegramente,
s'aberint sos fiores lestramente
erespirant profumu, o primavera;
rient in risu de milli colores
pro ti estire in mundu de reina
e tando leat bolu columbina
ammirende sos tuos isplendores;
su riu faghet cun s'aba pulida
atteru chelu in lagu minore,
inue columbina pro s'amore
si faghet bella, cuntent'e sa vida.
Sura sa terra esultat dogni cosa,
sa terra puru in dogni cosa esultat,
cantat su rusignol'e l'aiscultat,
tando cuntenta isbocciat una rosa;
sa nue ch'in s'aera s'est bestida
de unu velu biancu e delicada
hat azzurru su chelu coloradu
cando in s'aera est iaparida,
e su sole cun sos rajos de oro
tando si mustrat liber'e lughente
alzendesi dai sa terra e Oriente.
" Amore, cantu m'amas t'adoro "
paret iscrittu pro ogni vivente
in dogni parte, in dogni sentore:
su coro s'infiammat de amore,
s'amore s'impadronit de sa mente;
sa vida est piena e allegria
e divina si mustrat in dogn'ora,
cantat sa zente e cantant ancora
sos puzzones in coro e armonia:
sa melodia olat in s'aera
de profumos piena e rilughente,
e primavera chi suavemente
incantas chelu e terra,o primavera.

( L'Innominato )


SA PIESIA

O bella poesia,
dai mente novella
lea olu felice e generosa
pro cantare ebbia
sa cosa pius bella
de custa terra santa e affannosa,
e toccal'ogni coro
che novellu tesoro
fatende de ogn'ispina una rosa,
in modu chi sa zente
sempre t'amet cun coro anim'e mente.

O poesia bella,
dai novella mente
lea olu generosa e felice,
mi sias un'istella
segura e lughente
cussa ch'est de sa vida conduttrice,
mi sias de guida
in sa morte e in sa vida
che in su chelu a Dante, Beatrice;
o aurora ridente,
isparghelas sas alas lestramente.

0 ridente aurora,
sena distinzione
mandamus de saludos unu mare,
nde mandamus ancora
a chie cun passione
disizzat de nos poder'incontrare;
o gentile poesia,
passat sa vida mia
ma no devet su nomene passare
si, simbulu divinu,
illuminas sa zente in su caminu.

( L'innominato )