SA LMBA 'E SU SAMBENE
(( Missatzu abertu imbiadu a tottu sos sardos de
bona memoria))
****

Sa cultura sarda
est vivende un'istajone buliada.
Istamus abbidos!
Sas undas de su "globalismu"
sunt ispinghende logicas istonadas
in su contu 'e su ruolu affrimmadu
da-e sa limba 'e su sambene.
E nois
podimus 'istare calliados
de fronte a chie tiat cherrer
tappare sa 'ucca
a una realidade istorica
riconnota finas da-e sa sienzia?
Nois
podimus 'istare frimmos
de fronte a chie tiat cherrer
ispittare sas alas
a sas memorias de un'erenzia
ch'at raighinas
cultura
istoria
e costumanzias seculares?
Nois
podimus intregare a s'olvidu
s'orgogliu de unu populu
semper fieru de aer eredadu

chin sa calura 'e su sambene

su donu 'e sa limba sarda?
Tottu reos!
Mustramus sos dentes!
Tevimus dare rispostas frimmas
a zertas istonaduras.
Sa limba 'e su sambene
no' podet isviare sa caminera sua.
Custu bene culturale
tevet sighire a bolare altu
isfìdende tottu sos bentos.
Nois tevimus esser
bardianos gelosos e sighidores
de cust'eredidade;
essenzia 'e su "Essere" nostru.
Tenimonos istrintos attundu
a custu pstrimoniu 'e valores
chi dat sensu a s'identidade
'e su populu Sardu.