SA IDE

Ide,t'istimo cun sinzeru amore
prite m'est cara sa virtude tua:
in capidanni mi attis sa ua,
intro annada e sempre su licore.

Ses de un'incantevole sapore;
frutta,t'ammiro finas ses crua,(I)
Cun s'alta e generosa opera sua,
sa ide,nos dhat gustu e bon'umore.(2)

In s'altare presentas sacra cosa,
unu valore supremu e Divinu;
bastana patgos luttios de inu

pro cunsacrare s'Ostia amorosa;
sentida funzione religiosa,
chi palpitos nos dada intro su sinu.(3)

(I) Perchè è sempre bella pendente sulla. vite
(2) Gradevolezza e allegria
(3) I battiti che ci dà il suore per la commozione
della procedura religiosa
15 Agosto 1959


NONNU MEU

Personazzu cumpostu e delicadu,
altu,imponente,cun s'alva bianca,
rispettosu cun tottu e istimadu,
de fagher bellu e de manera franca,

nonantabattor'annos contat
eppuru fut ispicciu,e in sa banca
tottu cumprimentosu si seit,
servendesi 'e sa dresta e de sa manca. (I)

Omine sempre allegru,'e bona liga,
simpaticu,in custumime e pulidu,
derettu chi pariat una riga;

cun tottu fiat affabile e cumpridu;
generalmente 'estiat de fadiga (2)
ca su tribagliu non li fut nemigu.

(1) Per il buon appetito che aveva
(e) Sempre pronto a sbrigare le faccende sue
li 15 Agosto 1959


SU DISTACCU DE S'ANIMA

Cando s'ora ad a benner de lassare
su corpus a su mundil abbandonadu,
torro giulivu,'e nou,a t'abbrazzare,
Antonina,chi sempre m'has amadu.

Astru lughente:has'a continuare
a mi dare sas curas Chi m'has dadu,
cand'in su mundu sos coro umpare
víviana in allegru e dulche istadu.

Mi so sonnadu,a bortas,de aer bidu
chi s'Anima immortale in Paradisu
aiat sa dimora istabilidu,

mentre su corpus in istadu prezisu,
de eternu abbandonu,isfiguridu,
restadu est chene vida nè sorrisu.

LI 15 Agosto 1959