Informazioni sull'opera
Sa famiglia nostra
Ita cosa bella
sa famiglia nostra
Sa mesa manna
po s'acculiài
mancai fessit
pagu su pappài
buccòni sparzìu
faiàt prus profettu.
Ita bella cosa sa famiglia nostra
mancu sa poberésa nddi studàt s'allirghìa.
Femus doxi po si fait cumpàngia
e babbu e mama po s'ammanniài.
Amòri mannu fiat cussu
ca s'unìada a pari
parriàt ca non si tocchéssit bentu
invecis totu in dd'unu momentu
s'id'esti sciorrocàda
sa colunna manna
Custa famiglia ca fiat imbidiàda
po sa armonìa
e sa tranqùillidàdi
no fait a créi e nimancu a nci pensài
ca no paréus prus fradis e sorris
Immòi deu
cantu dì e notti
ma no cantu s'allirghìa cantu su dolòri
de totus cussus fradis stimàus
nc'est abbàrrau scetti su regordu
coment'e' stràngius
candu s'attoppàus
e puru non si seus mai certàus
totu es succédiu pò quattru arriàlis
mamai naràt
maladittu su peccàu
issa crèiat de no fait mali
deu invecis nau
maladittu su dinài.
Nannai ca fiat nascia giai imparàda
naràt
:- cantai
cantai
immoi ca nei seis
ca gi hat arribbai puru sa temporàda
s'arramanàrxu
est un erba mala
i es traballosa a nddidda srexinai
cantai
cantai...
ma ténei a menti ca in custu mundu
:- Biviri prus s'imbidiàu che s'imbidiòsu.
Bruna Milia Nata a Cagliari il 5/10/1928
Residente in Cagliari in Via Monte Santo N°75
TL. 283113
arramanàrxu (gramigna)
Titolo | SA FAMIGLIA NOSTRA |
Sezione | |
Autore | Bruna Milia |
Nome | B20060041 |
Anno | 2006 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2006 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |