Sa cantzoni de sa circoscritzioni.


Ahi ahi Zuvanne meu
ti ddu naramu deu!
A chini tropu e a chini nudda
ni s'ou e ni sa pudda.
A chini po una noti casi unu milioni
e a chini mischineddu
ddi pigat su pigoni!
A sos de su comunu(de sa circoscritzioni)
no nde ddis importat nudda de sa poesia
e ni de sa cultura
po si nai sa mia!
Ahi ahi Zuvanne meu
ti ddu naramu deu!
A chini papat a cuatru ganascias
e a chini est sceti arrogalla de cascias!
Ma no dd'intendis su tempus chi passat

ca semus totus in sa buca de sa nassa

e chi si sicat
si sicat sa pabassa!
E chi de sa cultura e de sa poesia
no nde dd'importat nudda a sa cunfradia!
Ahi ahi Zuvanne meu
ti ddu naramu deu!
Ma no timas Zuvanne
no
tui no timas mai.
No timas Zuvanne
ddu nau po vida mia

de sighiri a imparai a is pipius poesia

ca su semini est bonu e
a ca bonu mannu

hat a froriri forti
annu pustis de annu

de su primu 'e Gennargiu a s'urtimu 'e Nadale.
Mancai sentz' 'e unu francu e mancu s'aposentu
hat a cantai prus artu e a binchere su male
de sos chi in d-una die fuliant su dinare
po is cantos de una noti batidos de atru mare.
Ahi ahi Zuvanne meu
ti ddu naramu deu!
Tui scries poesia e papas su gureu
e is atrus
aligheris
cun mostras de gorteddus
papant s'alegusta bufendi Merguèu

e parint sa gatu matziendi leu.
E no donant nudda a is atrus de Casteddu

nimancu un'aposentu po su pipieddu!
Ahi ahi Zuvanne meu
ti ddu naramu deu!
A su piticheddu nimancu un'arrogheddu
ni s'ou e ni sa pudda e no dd'aturat nudda.