Sa Cantone 'e s'Umbra



Aite ses naschidu fizu aite as postu
Su passu tou inue non frimmat trata
In custa rena chi como nos agata'
Galu chin sa mirada infusta de s'istiu
Narami fizu aite ses naschiu
In custu logu chi est dae sempre nostru
Inue teracu soe pastinende umbras
Chin s'arvada disperada de sas ungras

Aite ses cantone fizu aite as cantau
Sa rima de sos jaios a boghe lestra
E como chi su sonu pius non resta'
narami ite sighimus a cantare
Si sa oghe ti che fuede in s'andare
Chin passu e ballu passu mai torrau
Istanotte chi in sa ula falat che licore
Sa oghe chena limba 'e su tenore

Aite ses bolau fizu aite ses nue
In dominarios de chelu chena jannas
In papariles de pasturas mannas
Chin non depent donatiu a sa morte
Aite ses cadida vida
aite sorte
Che abba dae sa manu fues
Comente fuent sos frores chena eranu
Bruere est sa lilla
sa viola e su geranu

Aite ses torrau sole aite inchendes
Sa fronte de sa die chin lughe 'e ispera?
A trumas sas animas in carrera
Andant chena mai connoscher pasu
Aite l'allumas custu omine romasu
Si nudda podes e pius nudda intendes
E non brincas s'iscuru 'e custas frunzas
Inue como brotamus chin sas umbras