Informazioni sull'opera
TESTO
SA BARDANA
Unu frùschiu in sa notte senza luna:
breve,moduladu;
respondet una
'oghe. Silentiu. Pustis, affiladu
comente
lama, ségat s'aéra bruna,
un ateru frùschiu, de repente.
Ancora de silentiu, unu momentu...
Poi,murmuradas coitende,
algunas
boghes et unu appeittigamentu
de bestiamene fuende...
Abbaulamentu
'e canes, gridas, maledictiones...
Una fusilada...
Pius nudda. Sa bardana
est passada,
passada comente un uraganu:
morte, desolatione...
Lontanu
pianghet su toccu 'e una campana.
Totu in tundu,
paret chi siet torrada
sa bella paghe...Ma dae s'insanbenada
terra, s'alzat su lamentu,
de calchi moribundu...
Fabio Cherchi Loy
Via Tristani n.22—Cagliari
SCHEDA DELL'OPERA
Titolo | Sa bardana |
Sezione | |
Autore | Cherchi Loy Fabio |
Nome | 1957-109 |
Anno | 1957 |
Argomento | |
Descrizione | |
Lingua | |
Editore | Premio Ozieri |
Contributore | Tecnoservice s.r.l. |
Tipo | |
Formato | |
Fonte | Premio Ozieri |
Relazione | Concorso Premio Ozieri 1957 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |