S'Umanu Trumentu


A bellu-bellu
passada su tempus
de sa trumentosa notti
e
in su silentziu
s'intendidi fatu-fatu
s'orologiu de Cresia
tocchendu is'oras
chi non passant mai.

Insaras curriri
in su scuriu
s'umanu pensamentu
chi nemus ascurtada
o intendindiri
e
nemus boddiri.

E
candu cumentzant
a si bidi is luxis
de sa dì noa

s'accabada su trumentu
de sa notti
e
cumintzada su trumentu
de sa vida chi sighidi!