( S'orolozu )

So costruidu de variu metallu
E cun arte sublime e fine ingegnu
De cumplicadu e fragile cungegnu
Trabaglio notte e die senza fallu;

Mi proteggit sa cara unu cristallu
Un'aneddu mi faghet de sustegnu;
So tantu utile, vivo in ogni regnu
E mi dan s'alimentu a interval3.u

So cun duas lanzittas bene armadu
Chi lis dat sa corona ordine e mottu
In oras de trabagliu e de riposu....

E cun su passu meu reguladu
Mustro costantemente e naro a tottus
Cantu siat, su tempus preziosu....

Fiduciosu

( VIRTUOSA E BELLA )

Non resessin sos ojos de su mundu
A legger custa mistica iscrittura
Chi de su coro meu in su profundu
Si b'incontrat incisa pro natura,
Da'sos effettos de unu giocundu
Visu simile angelica figura...
Cale est su tou chi sa terra bantat
Chisolu a vista ogni mortale incantat.

Su tou est unu visu incantadore
Perfettamente a su significadu
Giustu est narrer chi s'altu Criadore
De te fattu happet donu a su Criadu;
Ca ti pioet da'ogni ala amore
In sas suas virtudes delicadu...
Amore santu, costante e gentile,
Teneru e puru che rosa in abrile.

Tenera ses e bella a tale puntu,
Ma Deus,pro ti fagher pius bona,
Atteruna virtude t'hat aggiuntu
Chi faghet a sas atteras corona
De s'umiltade t'hat su balsamu untu,
Cun custa 'e tottu—cantas ses padrona...
E senza t'abizzare ad ogni istante,
Ses de tottu sos coros dominante....

Tottu sos chi han fortuna 'e ti mirare
Non sun padronos de sa forza insoro;
Nè poden mezus cosa disizare
De su chi hana a dananti altu tesoro;
Nè s'allontanan senza suspirare....
Nè senza ischire chi perden su coro,
E chi sas giaes de sas portas suas
Sunu in possessu de sas manos tuas.

Inue àbitas tue o chi ti dignas
De visitare logu bellu o feu,
Parit chi pro incantu bi cunsignas
Tottu sos donos chi t'hat dadu Deu...
In te finzas sas limbas pius malignas
Perden s'insoro solitu recreu....
Tue passizzas?..mudas sas campagnas,
Tue aggiunghes onore a sas campagnas

Fiduciosu

(SA NOTTE E-I SU DIE)
Antitesi

Nesit su die,cun tonu orgogliosu,
Eo'da'cando nasco su manzanu
Ravvivo duos regnos)vigorosu
E ponzo in motu ogni essere mundanu .....

Nesit sa notte: su dulche riposu
Eo cunzedo ad ogni cristianu,
Sutta su mantu meu tenebrosu,
E so sa Mama 'e su genere umanu...

Nesit su diel tenzo in cumpagnia
Su sole, chi dat lughe a'custu mundu...
E tue isparis a sa vista mia.

Nesit sa notte: non podes intreu
Su globo illuminare proite est tundu
A mes'a pare nos l'hat dadu Deu...

Fiduciosu