S'omine malvagiu

S'omine cantu vivet in su mundhu
Cun su malignu istintu naturale
Pro chi s'idet allegru, piús giucundhu
do partit de animu brutale
Sos chi sun subra che cheret in fundhu
E si dedicat solu a fagher male:
No pensat su malvaggiu pagu espertu
Ch'hat su cancellu de s'inferru abertu,

Ischit ch'hat de campare pagos annos,
Prite nisciunu da'sa morte fuit,
Pienu de malizia, de Ingannos
E chissà cantu male chi produit;
E si dedica sempre a fagher dannos,
Cantu li'enit de fronte distruit:
Odiat su benesser'e progressu
Ch'est de s'umanidade s'interessu,

A dannu de s'intera umanidade
Est su malvaggiu de pagu rispettu
Pro semenare sa disamistade
Paret chi siat issu sempre addettu:
S'hat unu frade bocchit unu frade
Non sentit rimpiantu ne affettu,
frastimat cun odiu fundadu
sa Mama chi l'hat generadu,

De su chi faghet s'omine malvaggiu
Già nd ' hamus bidu calch'isperimentu)
No li mancat ispirute coraggiu
crollat tottu dae fundamentu
Sa die chi non faghet calchi oltraggiu
Non de reposat ca no est cuntentu
Tando cun cuss'idea s'avventurat
Ed est cuntentu si occhit e furat,

Si de malvaggidade nd'est pienu
de s'umanidade su terrore
De fronte a, unu miseru terrenu
Non tenet piedade ne amore
E sighit a ispargher su velenu
S'odiu sa, superbia su rancore
Non de perdonat pro miserigordia
Ponet burdellos ue b'hat cuncordia

Ma su malvaggiu de mala cuscenzia
So siguru chi tenet paga ispera,
Inoghe pro terrena penetenzia
Si faghet unu pagu de galera;
Da'poi sa divina onnipotenzia
Ch'hat una legge giusta pius severa
Dagh'a lu giudicare chelu pigat
Cun form'as'operadu lu gastigat,

Perfugas li 6 Settembre 1957

IMPROVISATORE