S'ITALIA SU MILLI E OTTIGHENTOS BINDIGHI

Napoleone cun'oldine francu
Simbolegesidi s'Italia intera
Prite in s'antiga Roma cunsidera
Non rappresentan sa patria mancu
tand'isse alzesid'una bandera
Tinta a colore ruiu ilde biancu
Gas'ogni zittadinu si de rendere
Su simbulu e sa P atria a diffendere

I
Andhe descrio sa condizione
De sos Italianos patimentos
S'annu bindighimilli e ottighentos
Poi e sa rutta de Napoleone
De custa Italiana nazione
Sana divisu sos possedimentos
Sos guvernantes chi sunu intrados
S'Italia han divisu in otto istados

2
Su Pienonte cun su regnu Sardu
De Savoia a su Prinzipe es toccadu
Ei su regnu Veneto Lombardu
Dae s'Austris istesi comandadu
De Piacenza e Parma su ducadu
Nd'ha maria Luisa s'istendardu
Su ducadu de Modena tochesidi

A franziscu cualtu e si lu lesidi
A Maria Luisa de borbone
Su ducadu de Lucca dadu l'ana
Ei su gran ducadu de Toscana
O Ferdinando terzu legge impone
Ei su Paba sa terra Romana
Cumanda cun sa sua rel igione
In sas duas Sicilias cumandu
Lea Borbone primu Ferdinandu


SA NATURA
De tres Regnos cumposta es sa natura
Sun tottos tres de immensu valore
Su regnu minerale es possessore
De abba pedra terra addiritura
Su regnu vegetale es sa pastura
De ogn'essere mundanu abbitadore
Ma su regnu animale ha mezzus donu
Ca isse, de ambos regnos es padronu

Deus pero de su regnu animale
Unu in fra sos tantos ndhe, ha distintu
Fatu ha s'omine unu personale
Preziou che a issu l'ha dipintu
Padronu de ogn'essere e cunvintu
De possedere un'anima immortale
Issu cumanda dissigna costruidi
Cantu campada consumada e produidi

Sa natura fatta sas'istaiones
Chi ten d 'ogni tres meses cambiare
Creadu t' ha sos pisches in su mare
Pro olare in s'aera sos puzzones
In sa foresta postu ha sos leones
Cun fieras e retiles'umpare
Fatt'ada in chelu varios signales
E suta terra Immensos minerales


SU SOLE

Su sole es pianeta luminosu
Estasi collocadu e firmu este
Intro s'imensu ispaziu celeste
Opera d'unu Deus poderosu
Est'isse chi da lughe mottu e gosu
Atottu cantu su globbo terreste
Da'isse es chi sa terra da produttu
E senz'isse su mundu eni'distruttu

I
Su sole apena calda ín ponente
Sa terra immersa restada in s'iscuru
Sa lughe chi aiamus risplendente
Dae sa vista nostra ispari puru
Si ritirad'ogn'anima vivente
Da su tribagliu fadigusu e duru
Lea riposu ogn'essere umanu
Fina chi ispunte s ' ateru manzanu

2
Isse apparidi ca es cumandadu
Dae s'altu Divinu Creadore
Appena essidi su sou rieplendore


Poned ' in motu tottu su creadu
In primavera es pius'antecipadu
Ins'istiu tramandada pius calore
In s'attonzu es pius mite sa calura
In'ierru lu cumbinche sa frittura

3
A narres de su sole s'importanzia
Non bi arrivada una mente umana
Isse mandada sos raggios a distanaia
Iscaldende ogni zona pius lontana
Sa zente cand 'ha fritu in'abundanzia
Chilca sempre sa palte soliana
Es'issa sinde salva dae su fritu
ES sempre de su sole su meritu