S'ISPIJU 'E SU CRERE

So currende in padros de piantu

pro m'intregare a una chimera.

Cun s'alza in runzones
istrobojo rajos de sole

limusinende innijos de ura.

Iscacaglios de isteddos iscabados
contan lareddas de mutria

a istolos de lunas chena cara.

Sas laras de su coro
murmuttan bisos fittianos

in orijas fiudas de ispera


So una femina istudada

endiolaja de impudu

pedidora de un'istearica 'e sorte

pro imberriare moinas de cras.

Ma muinat forte s'espe 'e sas dudas.

E mi frimmo
appeddende su dolore

a mi contare un'atera fola

in s'ispiju maccu 'e su crere.