Informazioni sull'opera
S'emigrante
Si no ischis it'est sa nostalgia
Su male feu ch'est
non lu cumprendes
ma
t'assiguro ca male t'intendes
si ses infettu 'e cussa maladia.
Assumancus po cosa est chi ti fues
Andas errante in logos istranzos
Po nde aer apena 'e gualanzos
gai
s'animu tou ti distrues
Ti distrues su coro cun sa mente
E un'istante no as de consolu
In mes' 'e tanta zente
solu-solu
T'agatas
ca estranea t'est sa zente.
Non connosches a nemos; e cun chie
S'animu ti aperis e cunfidas?
Ca no est zente tua
e non ti fidas
E non t'isfogas nen nott'e nen die.
E cun chie ti ch'ettas o t'amparas
S'azudu non ti dan
antzis t'arropan
Ca sas personas chi cue t'atopan
No apartenen a connotas caras.
E cun chie faeddas
cun su muru?
Si cun issos artzola non che nd'ogas
Ca faeddan istranzu
e tando isfogas
In su gherrare in su tribagliu duru.
Tand'a sa sola rimpianghes tue
Sos logos tuos
gioias e dilettos
E sas persones caras
sos affettos
E solu 'e rimpiantos vives cue.
Su tribagliu est totu; pagu bessis
Tue non vives ma vegetas solu
As solu 'e rientrare s'oriolu
Pensare aterue non resessis.
Ue dogni abitante t'est che frade
Dognunu t'est amigu o t'est parente
sos logos ti sun caros cun sa zente
e non perdes sa tua identidade.
E cando a s'antiga residentzia
Che ses torradu
ti pares a "fura"
Ca dogni tanni f enit sa paura
Chi torret d'emigrante s'esistentzia.
Andrea Migheli
Via Tribuna
2
09027 Santulussurgiu (OR)
0783550410
Titolo | S'EMIGRANTE |
Sezione | |
Autore | Andrea Migheli |
Nome | B20060040 |
Anno | 2006 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2006 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |