S'EDADE FELICE"

Cand'isculzu in sos campos chilcaia
fiores e faghia sonnos d'oro
e non giughia ispinas in cero,
tando fio felice e non l'ischia

Tando su tempus totu manu manu
comente mi 'eniat mí godio
e finzas subr'é crastos mi dormio
dae su sero finans a manzanu.

Cun cumpagneddos, briosu, andaia
da dae un'a un'attera crisura,
che una creba, mandighende mura
e in peruna cosa pensaia.

In cuddas nottes de atunzu bellas,
senza connoscher ite fit amore,
cun piseddas giogao in su lugore
a tardu sero peri sas carrellas.

Ma poi manu menu mi so 'idu
giovanu fattu robustu e briosu
o de amore e de etteru gosu
su coro solu giughia sididu.

Tand'a divertire mi so dadu
cun tot'é cuss'edade sos ardores
ma, in ballos in cantos in amores
mai felicidade a'agatadu.

ca m'han bochidu sa serenidade
intro su coro sos divertimentos,
lassenden'in terribiles turmentos
in maniera de piedade.

Poi sol'amargura e dísingannos
hap'agatadu in su mar'e sa vida;
cando sognesi un'adde fiorida

apesi solu ispinas e affannos.

A bortas d'haer, m'aio creidu
su chelu cun su poddighe toccadu
ma mai paghe vera ap'agatadu
pustis chi s'innocenzí'hapo perdidu.

Com e penso,tristu, in tard'edade
ca mariposas cando chi curria
e nidos beranu chilcaia
ca tando fio in sa felicidade.

Fiores de armuttu.


"ITE CHILCAS"

Ocannu puru a sa fontana mia,
rundine ses torrada a fagher nidu
ma pares in su' blu fioridu
de piulare cun malinconia.

Ite chilcas, briosa, appena ennida
bolend'a giros cun, gentile traggiu?
chilcas ae chie su bonu viaggiu
ti donesi'in s'atunzu a sa partida?

Tue cert'est c'andada ses luntanu
ma però ses torrada puntuale;
partida puru sind'est cudda tale
ma de torrare s'isetat invanu.

Ite bellesa in s'annu già 'oladu:
sende iss'a'paghissima distanzia
t"idias tue, in tanta cunfidanzia
andar'e benner a su nid'amadu.

Cando de notte in su nidu istaias
s'attera noa vida preparende
issa a pagu distanzia fit, dormende
e sos respiros suos intendias.

Tando dae manzanu olas lezera,
chilchende muscas a destr'a manca,
che unu lampu, niedda e bianca,
milli giros faghias in s'aera.

Issa, a boltas, a vista é cuss'incantu
s'oper'abituale trascurada
e cun s'anima pura e incantada
suav'intonaiat unu canttu.

Ma cando tue fist tantu luntanu
e innoghe falada fit, sa nie
serrad'isse,hat sos ojos unu die,
che rósighedd'abbelzend'in beranu.

Fiores de armutu.


DISEREDADOS

Giovaneddos isculzos e famidos
e tot'istrezulados,
sende beran'in festa,

Cun abbas e puzones e fiores,
andan peri sos camposcun sos pes'acrostados,

D'ispina e pedr'accuzza non curantes,
a mandicar'ureu;