S' APPOGGIU A SA NATURA

Sa politica,s'arte,sa coltura
sunu cas tres guidas de cust'era
totta s'attividad'e forza vera
in usu ponen cun massima cura,
cun s'idea, cun s'arte e cun premura
s'ana pius de s'attera sinzera,
eleganzia, tattica e manera,
regular'usan cun pes'e misura
mirende sempre a sa base segura
de s'ottima brillante carriera.

Eo naschidu legu a sa lezzera,
m'affianco a sa semplice natura,
e abberzo che una criadura
sos'ogittos pro ider calch'ispera
da terr'e mare finas'a s'aera
sole, luna, istellas e lugura
e tottu cantu dai basciu sura
finas a giomper a s'istratosfera,
ammir'aes, pisches, ogni vera,
plantas, frores, fruttos e pastura.

De sas montagnas respir'in s'altura
s'aria de salude messagera,
visito puru caIchi miniera
ue s'arte s'appentat cun bravura,
Cun marmaru, granitu, pedra dura
materias s'una menzus de s'attera,
isfrutto tenpus si forzas tenzera,
serenu, calmu, calidu o frittura,
attacaia senz'aer paura
razzas de animales de ogn'isfera,

De latte, cun corzos d'opera
pro ezzos,pischeddina e gioventura,
sa petta han fina de bona cottura,
ch'in ogni banca bi faghet primera,
ei s'abba si prestat volentera,
meigninosa, prodigiosa e pura,
a lugh'e die e in sa nott'iscura,
d'uragan'o ciclon' ira fiera;
sesso de raccontare s' aventura,
mi dorm'e abbandon'ogni chimera,

=GRILLU=


CARATERISTICAS DE OTIERI


Otieri funtana est de valores,
de preziosas perlas nuturales,
ha dadu vida a intelletuales,
a zelebres artistas e duttores,
a sa chegia eminentes mussegnores,
a s,istadu valentes generaIes,
a sa magistradura e a s'iscola,
ha dadu proa brillant'a sa sola.

Tesoro veru d' immensu valore
t ' han favoridu natura e Gesusu,
possedit pedras de ogni colore
cun cavas chi non piusu
de su granitu nde faghen grand'usu,
des sos cantones un'usu mazzore,
(de ghiajeta e appositas renas
tenet bundantes sas cavas pienas.

Ispeziale ha sa pedra caIcarea
cun sos furros a cogher sa calchina,
dadu ch ' ad ' una pres'immaginarla
solid'a fagher ogni palazzina,
pedra, ferru, trachite marmarina
tott'offerit sa terra volontaria,
sos menzus tipos de matariales
pro operas robustas colossaIes.

Campagnas, rios de s ' intrea zona
sun riccos de piscadu e seIvaggina,
de trotta, tinta, sarp ' ambidda ona
cun perdigias, cuaglias, Ieperina,
porcabros e coniglios a corona,
ch'ene cuncordan sa sarda coghina,
pro regalare a su sessu gentile
buscan peddes de grodde e de assile.
Sas massagias de domo gala vora
faghen fattende su pan'un'ammiru
sos pastores su casu, su butiru,
sas paneddas, sa fresa e greviera,
ma su dulche ispecial'è su suspiru
de Otieri delissia vera,
bonos sos fruttos, legumes, armentos
e rinomados sos allevamentos.

=GRILLU=


MALTU ISCOA PORCOS

Maltu maccu, volubile, mezzanu,
est de sos meses de unnu su terzu
capazz'a fagher' ogni brutt'ischerzu
cun cussu fagher sou feu e vile,
sunu manzanu cuminzat gentile,
bellu ch'allegrat s'animu , su coro
cun su sole chi lughet pius de s'oro
gira de bottu, s' sera nuada,
e isviluppad'una temporada
ch'impressionat robbas e persones,
faghe fina de dannos milliones
cun bentu rand'in'abb'astra'e nie
e istat fina vint ' e una die,
d'astra'e nie sa terra copelta,
giustu ch'a cando calma sa tempelta,
atturdid'è sa zente pius sana,
ei sa ezza miser'anziana,
chi dirittu de víver had'ancora
la faghe morrer'innanti de s'ora
attrighentada dai sa frittura,
non sol'attristad'ogni criadura,
pro minores e mannos sun dolores,
sighende cun sos suos astraores,
sicat fiores, fruttos e piantas,
laores e pastruras tottu cantas,
e pastore arruinad'e armentos,
disastrosos de maltu sun sos bentos,
tempu bonu si faghe calch'iscutta,
sinde penti luego e giambat mutta,
e pro s' iscutta chi de bonu ha fattu,
faghe tando a sa fine disacattu
iscoppiende pessimos frigiones,
si pigiat giannas, tendas e balcones
bidros, cristallos cun sas copelturas,
giaghas cancellos, ainos cresuras
battid'a malu punt'ogn'animale,
cando cominzat bene agabat male,
fide non si li diat manc'aizzu,
ch'ad'ogn'eser'umanu dà fastizzu
libere Deu d'ogni cristianu.

"Mal'è maccu volubil ' e mezzanu"

GRILLU