1
Pensa ch'est troppu s'attrivida
A mi giamare amigu dese ischire
In s'amigu b'est s'anima unida
In su gosare e in su patire
E non pode cansare ne fuire
Si b'hapèra bisonzu è sa vida
Pritte s'amigu 'onu est sempre gai
Perde sa vida e non lu zedi mai
Ma si pro te intendo amore e dolo

2
Bind'ha medas chi sunu aggiardosos
Ma sun pensende a su bisonzu Insoro
E paron chi ti dian su coro
Fattendedi giochittos curíosos
Finza basende che duos Isposos
Si mustrana pro ottonner su tesoro
E de custos beind'hada a reu
C'aman insoro e cheren su meu

3
Cantas bias e cantas mi so 'idu
A perdere interessu e amicizia
Pro fagher bene fin'a sa giustizia
In medas casos mi ha priubidu
Comente? cando isse a mie ha bidu
In bisonzu s'es resu cun avarizia.
Comente faghet a mi giamare amigu
Cando est isse solu s'inimigu?

4
S'amigu curre sempre a su turmentu
A su bisonzu e a sa maladia
A sas fadigas de sa marturia
Ue non mancas mai s'ispaventu
Ca bi manca su pane, s'alimentu
Chi faghe parte a sa vida mia
Solu si ses goi ti addoro
E cun tecu divido anima e coro.

5
Ue brillada amore e fantasia
S'amigu has s'isperanzia 'e su coro
Inue tutta canta s'armonia
Ecco proitte a Deus eo imploro
Si unidi pro formare su tesoro
Chi indovines sa giusta compagnia
Zertu pro viver male est mezzu solu

"Carralzu"


1
Sa rughe dà s'avvisu a su dolore;
Ammentu de tristura e de piantu!
Siada in domo che in campusantu
Cando la 'ido, mi faghe terrore

2
eppurusutt'a issa unu fiore
Bada o mi lu miru cun incantu
Pro cantu chi mi 'eni su piantu
E dai nou mi torra su dolore.

3
In cussa rughe b'est su coro meu,
Ca l'amo e bi prego notte e die
E la gherzo vicinu a facca a mie
E solu goi est chi do recreu.

4
Ahi rughe fatale Dammi avvisu
Già chi ses sentinella affacca a chie
L'amaia e la giamo ognidie
Cun boghe trista e coro desizu

5
Narali chi la gitto sempre in mente
E m'ammento sa salida mirade
Su visu graziosu cudda fada
S'amore giustu, s'affettu innozente.

6
Eo non lu so no, indifferente
hoppo sos modos chi tue
E so precisu comente mi fisti
De duos coros unu o solamente

7
Su piantu chi fatto sompre reu
Già lu cumprondes: sa tua mancada.
No happo isperu ne cunfortu b'hada
Tottu est finidu pro su parre meu.

8
O anima innozente, prega tantu
Chi mi dias cunfortu e isperanzia
E torro cudda solita abbundanzia
de giugu, de ispassu e de incantu

9
O deus meus, dademi s'onore
Chi, preghende bo so a pilu isortu:
Otórred'issa o pur'eu mortu
Solu goi pagades cust'amore.

10
Grazias tanta doe coro mando
E perdonu pro canto happo pedidu
A bois Deus chi m'hazis sighidu
In su duru dolore, raccumando.


INVOCAZIONE DI UN CIECO

1
Piedade, Signore, Piedade
Tenide, già chi eo so naschidu
Sutta s'astru, chi 'oisi elegidu
Azzis, pro s'intera umanidade)

2
Si meritu tenzo a mie puru
Dademi si mi l'hapo meritadu,
Ca s' immensu de dare non est dadu
In manos bostras est sempre seguru.

3
Padronu de tanta immensidade,
Ue brillana istella, riccu mantu;
Immensa terra, mare atter' e tantu
Si movene a sa 'ostra volontade.

4
Bois sezzis su babbu 'e su dolore
Eo so su fizzu 'e s'infortuna,
Ca oras 'sanas non de passo una;
Suttapostu ogni die a su duttore.

5
Sempre suffrende totta vida mia,
Ca senza mama so e a sa sola
Babbu fi mortu cando ín una iscola
Fia; cun zegos e surdos si vivia.

6
Faghe chi 'ida brillante cudda era
E chi fatta signales cun sa manu
E chi 'ida su sole su manzanu,
Naschende sutta s'astru in lughe vera

7
Faghe chi connosca su colore
De istellas, terra, sole e luna
E la potta contare a una a una
E connosca de issas s'isplendore.

8
Lassa chi 'ida cudda campusantu
Ue sunu sos mios sepultados,
Ca non los hapo 'idos ne giamados
E ne lagrímas versei de piantu.


9
O Deus, o Signore, o Altu Gradu
Infinitu de amore e bonidade,
Lastimas tenzas giusta piedade
De custu fizzu tou iventuradu.

10
Eo so firmu sutta cussa rughe
A manos giuntas e sempre preghende
E ippero chi siada arrivende
Cudda tanta asettada ricca lughe.

" Corralzu "