S'ADDE DISTRUTTA

S'adde,chi depinghian tott'incantu
balentes mastros da sa poesia,
hat mudad'in motivos de piantu.
Oe,presentad'atera pannia;
paret campu'e battaglia,semenadu
de mostros, cum sos truncos
tott'imbia.

Goi su vandalismu t'hat pagadu
poi de tantu bene chi nd'hat tentu?.
Ite pen'aumentare su passadu!
Cando sos puzzonedos'a chimentu
intononde suaves melodias,
canta su coro daian cuntentu!

Aes rapaces de tantas zenias,
ch'ispinghian su olu in sas aeras
fattende sas issoro acrobazias;
e in sas profumadas camineras,
s' idian sas imprentas fittíanu
chi bi faghian passende sas feras.

Pro chi roba'e cazza a larga manu
b'aiad'e beniat sa campagna,
abbivada cund'unu motu arcanu.

Pro su pastore,fid'una cuccagna
ca in cuss'aspra vida solu s'idede,
sempre sa solidudine a cumpagna
Beru ch'i sa natura lu dívidede
da issos,ma'in mesu a tantas penas
paret chi sos segretos lis cunfidede
E Como?Adiu musicas amena s;
Umbras deliziosas,ch'in s'istiu
ospedain ninfas'e sirenas.

Como solu s'intendet de cu riu
prateadu'una muida dolente,
paret dende su sou ultim'adiu.

Tottu torrad ' est'a unu niente;
dogn'ae e dogni fera est'isparida,
est logu ch'i bi timet sa terpente

Eppuru,medas b'han dadu sa vida
pro la salvare dae sas fiamas
dagh'in tantu perigulu l'han bida
lassend'in luttu isposas e mamas.

CANDELARZOS


PILOS FINTOS

A sos zizios appassionada
Annamaria,fit dae minore
E sighende sas modas,trasformada
S'est chi pariat "Venus"tott'amore.

Ma,andend'in sas modas fin'a fundu
S ' ha distruttu s'interu patrimoniu;
Pare chi siad'arte'e su dimoniu
Ch'Annamaria girat sempre in tundu.

Bellettos,dentifricios e profumos
Nd'haida unu mare sempr'in proa,
E s ' intendiat propaganda nos
Fid'iss'a faghere sos primos consumos.

In sos bestires fit pistighinzosa ;
Mai nd'han fattu a zeniu sou,
Agataiat sempre pilu in s'ou
Ca li fid'antipatica ogni cosa

De sa unnedda tenia birgonza,
E accolla bestida'e signorina;
S'idiat bene chi no fit femina
Naschid'in terra pro fagher sa monza.

Sind'isconzat sas trizzas e si faghede
Sa permanente cun tantu de addu;
Poi a cucca, e a coa'e caddu,
Ma nessunu modellu li piaghede.

Infattu de sas modas sempr ' in lotta,
Un'ateru modellu che l'azzegada,
Lead ' ei sos pilos sinde segada,
E si los faghed'a sa maschiotta.

Tando coment'e fora de incasciu
Che omin ' in calzones s'est bestida,
E non ischian zertos chi l'han bida
Passende,si fit femina o fit masciu.

Però'sas modas cun mottu costante,
Torran sas trizzas ,e Annamaria
S'agatat senza pilos custa ia,
Ma non perdet de animu un'istante,

Satana,cun sos suos incantesimos
Bi poned'in negusciu pilos fintos'
E issa sende de malos istintos
Sacrificat sos ultimos centesimos.

CANDELARZOS


SU PINZELLU MEU

Tottu mi naran, su pinzellu tou
a faghergarvas no balet piusu,
frundilge tinde leas unu nou

Ma deo lhapo caru e nde fattgusu
ancora,ca m'amnentat su lontanu ,tempus,
cando sa jua nde r apo tusu dae"FRIZZANTE"

su caddu roanu, balente curridor'e bene idu
in bona parte de su Campidanu.
Eo puru,che curridore ardidu,

fia amiradu fora' e mesura
fin'a m'esser in'tottu inorgoglidu.

Una die,trottende sa ventura
indun 'umbrosu e amenu viale,
m ' appared'un ' angelica figura.


Eo prosigo su trottu normale;
Cand ' issa,cun manera imperiosa
mi faghet de frimmare su signale .

Frimmo'nd'enid'e narat birgonzosa,
e ruja in cara, si lu permittia
chi fit de ser'a caddu disizzosa;

A cussa vista,s ' orgogliu ch'aia
s'est trasformad'in generosidade
no sende mere ' e sa persone mia

Bilu dei de bona volontade;
Sezzid'ispronat,lead'ardinentu
e a su caddu dat sa libertade.

Deo mi so frimmadu,dend'attenti;
c'hapo idu su caddu leende fua,
fattende chent'e unu pensanentu.

Cand ' ido sa gentile manu sua,
poi ch'a dainanti si ch'imbarada,
agganzend ' a sos pilos de sa jua.

Ai stentu su caddu lu reparada,
Curro,e issa cun cuddu visu bellu
andandesinde grazia mi narada.

Tando mi sapo su coro in burdellu
leo su caddu, sa jua nde tundo
da'issa nd'apo fattu su pinzellu,
e pro chi ciat bezzu no lu frundo,

CANDELARZOS