RUSSIGNOLU ISCONSOLADU

Tra sas frunzas in fiore
un amenu russiignolu ,
ciulendhe,tristu e solu,
mi faeddhat de amore.

Pibiosu, isconsoladu
sun affannos arreu,
ohe-i custu coro meu,
est che me disisperadu
Dies malas hat passadu
cun cuntrestos, malumore;
oras tristas de rigore,
ohi l'hant goi reduidu:
sena brios, affliggidu,
tra sae frunzas in fiore.

Ahhi !cantu faghet pena
cun sa sua melodia
a s'iscura anima mia,
de dolore già pienal
De su mare una sirena,
già ferida, in isconsolu,
mi paret in tantu dolu.
Custu cantigu in s'aera
mandhat lenu,chen'ispera,
un'amenu russignolu.

Su lamentu in sa campagna
bolat gai dogni die
earrivat fin'a mie
faghet eco sa montagna!
Chircat forsis sa cumpagna,
piulendhe in dogni 'olu,
ohena paghe,ne consolu;
ne l ' allegrat su 'eranu
e li paret totu vanu
diulendhe tristu e solu:

Su tempus bellu passadu
in tanta felizidade,
in custa crudelidade
l'est a sa : mente torradu
e ndhe suffrit,disdicciadu
Meschineddu, cun dolore
pensat già a su rigore
de e'ijerru, cun su nie,
e, bolendhe in coa 'a mie,
mi faeddhat de amore:

(Proprietà letteraria riservata all'Autore, sottoscritto)
( Ausoniu Masia Arru )

Recapito:prof.Dr.Ausonio Masia Arru—NUORO- Capo Lantieri