ROMA - S ' ALTARE ' E SA PATRIA.


Una corona 'e sempre 'irde laru
in s'altare 'e sa Patria bidesi
ue b'est su soldadu a tottu caru

mort'incubattimentu, mammentesi,
chi fit s'eroe 'e tottu sas battaglias
fizz'istimadu 'e tottu sas mamas,
maridu 'a sas isposas, in gramaglias

chi ripitin'ancora e m'amas.
Fit valorosu in tottu sas riscossas
e a cumbatter non li fit fastizzu.
Cun s'idea m'inchino a tantas Possas

e m'accosto a sas mamas senza fizzu.
Milit'Ignotu,cun boghe potente
lu giam'eo manzanu e serentina
cun'Isse ogni mortu b'est presente

chi vivet s'esultanscia divina.
Su biancu edelweis dissignatu
b'est in sa cripta tua pro grandesa
fiore, chi non t'hat abbandonadu,

simbulu 'e coraggiu e de puresa.
Su Milt', e Vittoriu segundu
in simbolicu abbarzzu sun'istrintos,
paren chi rian cun risu giucundu

ambos, tra sos eroes sun distintos,
de s'Italia, est s'anima ch'acclamada
pro nde durare eterna sa memoria.
A bezzas e pizzinnas infiamada

s'alenu profumadu 'e sa vittoria.
Dae su San Michele a Podgora
s'ispregionàd' un 'alidu potente'
e si fundeit' in boghe canora

e in giubilu a Roma cunverzente.
Sa tumba tua su coro mi fúrada
ca mi ses frade in sa riconnoschenscia.
Pro te, s'affettu me'eternu durada

resto ligad'a tie in permanenscia.
Campanas e fanfaras tott'ischillana
cun innos patrioticos sonende.
Lughes, d'ogni colore a Roma brillan
dà inie ogni fossa illuminende.


ISTIU

Cun pe' dezisu ti ses avanzadu
rigogliosu e supervu de incantu
in sos colores tuos, e Istiu.
Ecos de gioventude ndhas portadu
undadas de profumos, tottugantu
basas; buffonas cun calore e briu.

Cantas allegru, cun su sole d'oro.
In ogni logu piantas e fissas
s'inzendiu de lughe e de bellesa.
Iscaldis e consolas d'ogni coro
ca sun sos campos riccos de prommissas
e provvidin'a tottu pane e mesa.

Chi sias beneitu in su manzanu
e in sos seros tuos soladios
in su tramontu e oro franzadu.
ca donas tottu cun sa larga manu
e regalas beneficos imbios (1)
chi paret s'universu trasformadu.

Cuntegus tottugantu est movimentu
ca s'anima l'illustras e la plaggias
aggiunghend'energia a s'esistenzia
Tue das'ojos a su pansamentu
pr'osservare desertas ispiaggias
populadas, coment'e de presenzia.

(1 Imbios)= Dona e regala tutte le cose


A'ISCHIDAD SU CRIADU

Sa manzanad'ispuntende
pura, in sas dulches puddiles de maggiu
profuman sos fiores e i s'erva
tott'iscaldides da' lughente raggiu.
Cantan sos griglios saltiat sa cherva
giughet s'ama a su pasculus su paggiu.
fascas de lughe ingiarin s'orizzonte
brillatesu pianu e i su monte.

In sas limpidas giannas de su chelu
cando s'accerat su sole naschente,
part ch' istempret cun forza e cun zelu
su cero, e, chi lu rendat trasparente;
una lughe impalpabile, unu velu
indistintu carignat coro e mente
che unu sonnu, lusingada
e a sos sette chelos che l'ispingada.

E dae sos luntanos campaniles
partin giares sos senes mattutines
de ses brunzes, chi paren bighinos
in sa serenidad'e sos foghiles.
In sa 'idda, in zittade, in sos cuiles
invitana sos toccos arghentinos
s'omine, a su trabagliu, su manzanu
e preparat a s'opera sa manu.
misticu senu u s accoglit S'anima
pienu de esperanscia e de fide.
S'ischidat su criadu bellu e bonu
e si estit de pampina sa ide.
No est pius su notturnu abbandonu
fruscies misteriosos, (intendide?)
Tremulare 'e fezzas lughe d'oro
sun cosas ch'incadenana su coro.

Una meravigliosa sinfonia
sulenat e abbellit sa natura
Osserva, ite poema! Ite armonia
ch'appagat e cunpensat sa bellura!
Palpit fren et in sa poesia
sa vida, in su trabagliu ch'est dulzura
Est'allegria sabia ea a a medetta
a bider su criadu tott'in festa.