Gio.B. Morittu,sabiu moralista.

Rispost'a Elvira.

Si Titanu, su re de su lugore,
ilgiarèrat s'oscura mente mia
e Àpollo, pro sorte o cortesia,
mi rendèrat poèticu valore:
a Tie, poetessa de dolore,
suggettos de letizia, mandaia:
custu saggiuc'has fattu a rigas d'oro,
de persè, m'iscombùssulat su coro.

Custa vida, est cummèdia de affannos
a costante ribbàttida, importuna;
sun a contu sos fizos de Fortuna,
chi de giòia s'ingèmmana sos annos;
sos pius, hamos tristos disingannos,
accidentes e gioias, nemmanc'una:
a resistere cumpenid e lottare
in s'avversu destinu, a man'a pare.

0 Elvira, coraggiu in s'isventura;
non ti lessas abbàttere, pro custu:
cun costànzia, sullèvia su disgustu;
cun sa fide, s'essenzia, rassigura,
sende forte che brunzu o rocca dura,
si det bincher sa causa de su giustu:
si fortesa in su compitu condues
in sos brazzos nemigos, non bi rues...

zertos dotos e res,patriarcales,
la idian a modu 'e bontempones
e pro cussu, triunfos a muntones,
dend'esempi'a sos ateros mortales:
su responsu e sos donos cardinales
est ispostu in sos sacros liberones;
sos cussizos cominz'a cumpiàghere,
non t'affligias in totu e lassa faghere

Ài custos cunzettos,fide presta,
ne pius muncaloru, in ojos, bagna:
sas deliscias, sun torra in sa campagna,
barigada, s'orribile tempesta;
de amore cantende, faghet festa
su columbuls'amàbile cumpagna
e alziat sinfonias de consolu,
dae s'adde, s'amenu, rusignolu:

Adiu, poetessa, rara e digna,
de s'amena muntagna 'e s'Ortobene:
daghi torras padrona 'e tantu bene,
una màndande, appòsita, benigna;
fentomare ti potas in Sardigna
che Polinnia, Eràto e Melpomène:
arrivada gaie a Elicona
ti preparen e ponzan sa corona...!

Fentomadu,c'haimis "Bullittone":
pro curare, Isculàpiu, primu dotu;
sapiente, che propriu Salamone.

Frailalzu valente, riconnotu:
s'andaia pro ponner calchi zou,
cun settènzias morales, fid etotu.

Che prendia su caddu in postu sou:
=Bonas dies,Mori: m'ilbrighet prestu..=
"ispetta, cristianu, a babbu tou.

Cale ferru l'ilbattulat ?= su drestu=
lassa fagher a mie, cristianu,
ca si fatto cun tegus, b'est s'arrestu

De presènzia bell'omine, anzianu:
nos pariad Aronnela Barba manna;
de sos legos e do0tos, su sovranu.

Tiu Mori,abberzami sa janna:
si m'istento, bi cherzo tota die,
ca conto visitare a Chinu Sanna=.

Trattene, cristianu, intende a mie:
zocca zocca, t'agghejat caligunu;
tuccas chito, manzanu e ses inie.

Beffajolos nd'agattas piùs d'unu:
si t'apprettan, comente faghes tue;
lu suppoltas s'insultu, s'impoltunu?


Supponimos, ti salves, fue fue:
si su caddu si tened in sos pese,
o ti trazzat s'istaffa o moris cue.

Resta iu e curre sae trese;
intra puru in Chelèmure, a sonazza,
ma figura de maccu, fagher tesel

Cun su caddu ferradu, faghes pazza,
cun su ferru zocchende o già finidu,
ti che poden bogare,mazza mazza.

Una olta, unu tale presumidu,
ch'in degh'annos che tue, fid intradu,
hat su babbu Lusbè, disubbididu.

Si deviat passare Riuladu
cun sa fune:su adu fit distruttu;
in piena sti riu e airadu:

disubbidit su fizu, risoluttu;
ne s'abbizzat Lusbè, de su brincare
si no cando,su riu, si l' hat giuttu:

tup a intro Lusbè, pro lu salvare;
manc'a isse, sa morte nd'had ilfrantu,
ch'in Coghinas, fin tètteros umparel

Ecc'a babbu Saludu, omine santu:
non faghimis niente, senza tè;
pro non perder su tempus, peristantu

li fia raccontende de Lusbe!