RIMPIANTU

Cand'ancora: in erva fia,
Lontanu da ogni affannu,
sa vida unu bene mannu
pro contu meu creia.

Tottu pro m fit divagu
in cussos annos serenos
males mios e anzenos
m'interessaian pagu.

Ma custu caru tesoro
in breve lassadu m'Hada.
Cantu prestu ses passada
pro me pizzinnia d'oro!...

Già sos pilos imbiancan,
prima, corvinos e raros:
tristos Ios e giaros
de sos annos chi mi mancan!

Como ch'es mesu isvanida
rimpiango a s 'infinitu,
ca pro me senza profittu
si ch'es passende sa vida.

Tantu 'ene 'ido a s'assegus
chi m'est fuende ogn'ispera.
Oh! si torrare potera
vint'annos addaisegus!...

Sa vida calchi pisedda.
m'haiata zertu allegrada.
Sa domo non fit istada
goi deserta, e niedda.

Troppu forsi hapo s'amore
a sas istellas alzadu.
Non sanat s'infortunadu
peruna cur"e duttore.

chie si fia
istadu mezus o peus?
S'es beru ch'esistit, Deus
lu diat ischire ebbia.

Ma si a su fadu mai
nisciunu si podet frangher
s ' ancora devo piangher
ded esser iscrittu gai!