PRO UTIERI E PRO SA SOLENNE FESTA SUA

Bella! Utieri ses pro ch'in assediu
Ti tenzana sos montes tuos bighinos
Da ue murmurende in sos trainos
Falat s'abba e ti bagnat chen'attediu

A t'ider sa Reina de ogni mediu
Cun s'ala ispalta da-e sos divinos
Albergos falat in milli caminos
E falende ti dàt dogni remediu

Gai ses pro Maria illustr'e rara!
Digna e corona e de reale aneddu
Cale reina 'e sa Sardigna mia

Ca ses famosa pro sa prima gara
Chin custa festa Pirastru e Cubeddu.
Criein pro sa sarda poesia

Da tando,coro e anima e chelveddu
Ses dei cuddas improvvisadores
Dignos de s'eliconiu casteddu

Pro cussu,ti meritas sos fiores
De totta sa Sardigna in vasos d'oro
Pro sos tuos poeticos valores!

Sas mezus rosas de su Logudoro
S'istell'alpina de su Gennargentu
Sos laros cun sas palmas de Nuòro

Su granitu 'e Limbara e de s'Aglientu
Pro fagher'un'istatua gigante
A sos poetas ch ' in su sinu has tentu

Tantu e la poder bider dae distante
E bonorva'Pattada e Macumere!
E Tempiu e Firenze terra 'e Dante!
Ca de ti riverire han su dovere!


Thiesi,li 26 agosto 1956
Andrea Ninniri