Pro una vida istruncada


Ite innijos heris sero

A s'intirinada


sos caddhos trobeidos

t'ammutian...

ma chie podiada pessare

chi sa morte

covecada
acculzu a su gancellu

fidi pronta dai su sero

a t'abbojare


propiu como chi essidu dai peleas

cherias olare attesu attesu

in sas camineras de su mundu


invece


ateros caminos deviasa attraessare

e fin sos istradones de su chelu

biancos de isteddhos


inue currene currene caddhos biancos

innijendhe a s'istella de su manzanu

chi
ancora isprammada
lagrimada

pro t'aere bidu

già tiradu e ruttu

in su gancellu

in brazzos de sa morte...

Ma como ascendhe sos ojos a chelu

intendhimus sos innijos de su risu tou bellu

chi ispronada caddhos biancos de ammentos


Anna Bellu
Ozieri 11/10/1938
Reg
S'Olivariu
Tei. 079/770594