PRO SA TUMBA DE MURENU

Chant'eo s' immortale Melchioro
Vena de poesia bundassiosa. -
Si poto tesso coronas d'alloro
a ti las ponner supra de sa lo aa,
Unu amarantu, unu lizu una rosa,
Fattas de perlas cun sugellu d'oro,
E unu russignolu in litt'amenu
Chi tramandet sas musas de Murenu.

2
De su macumeresu campione
su poeta de s'estru immensuradu
Lu paragono a Moesa cun rejone,
Su cignu de Sardigna isventuradu,
A unu che l'ettesin in burrone'
S'ater'a Nurapé l'ana sparadu,
E infunden de samben su terrenu-
Sas istillas de Mossa e de Murenu.

3
Peccadu ch'in su mundu pagos has bidu
De cando fistis pizzinnu minore
M'ispanto deo non sende istruidu
Canta vena distinta, chant'ardore
De Dinda e de su campu fioridu
E s'ira de su immensu creadore
E cantadu has has Ninfas tantu bellas-
Chi ti faghen alzare a sas istellas.

3
Su corpus tou ch'est'in sepoltura
Però sa tua immagine es vivente
Sa ceghidade, sa mala sventura
Oe lughet de sole in s'Oriente
Deo penso a s'amabile natura
Cantos versoso ficcadu t'hat in mente
E Talia che falat che columba
A t'iscriver "Poeta" in cussa tumba.

Lidone


A CARLINA

1
Una notte ballende
Mi creia in Terrenu Paradisu
Suspirende e tremende
E osselvende su candidu visu;
Su coro palpitende
Intro su pettu miu de improvvisu,
Pensende chi sos tuos
Privan s'amor'ardente a nois duos.

2
Appenas t'appo sa manu basadu
M ' enit unu piantu copiosu,
Sa limba non ha mancu articuladu
Carlina mia narreti adiosu;
Posca a fte Pirisi so andadu
Ca non tenio paghe né riposu,
A domo torro e fin a fagher die
Senza dormire immaginende a tie.

Lidone


A UNU POETA DIALETTALE -

0 fizu de Talìa
Bennida visitare
Custa idda de chelcos circundada
E cun ramos d'ulìa
Cheres inghirlandare
A sos chi dormin in terra sagrada
Has posadu sa manu
Supra unu Capitanu...
Tumba senza fiores non curada!
E versos sillabados -
Canta: a custas tumbas sagradas.

2
Deo puru piantu
Hapo comente tue;
Ue tenzo una sorre, babbu e mamma,
Pens'in su campusantu.
Vid'umana che nue
Lestra iscumparede lassende sa fama:
Sonnos e fantasias,
Piantos , allegrias;
si destrui che pallida fiamma
é resta sa memoria_
Debile in chalchi pagina d'istoria.