Informazioni sull'opera
Pro " CITTA' di OZIERI " 1958
Dell'Otieri potente e civile
Primaria de vera agricoltura
Ue b'est sa tenenza sa protura
Ue b'hat una sede vescovile.
Ue tenes s'armentu, su coile
In sas tancas pienas de pastura
E i sos abitantes pro nat .ra
Sun de nobil ' istintu signorile.
Ue b'est sa femina otieresa
attiva calma modesta e selena
mantenet in progressu sa ricchesa.
Supportat su dolore e i sa pena
Ch'in veru pur'amore e docilesa
Santa pro domo sua e dom'anzena.
Motto: ISFOGOS D'UN'IDEA
PRO SA BEATA VERGINE DE SU RIMEDIU
Vergine mama et eterna Signora
In chelu mar'e terra venerada
Eccoti in Otieri festigiada
Benigna pietosa protettora.
Accudis e lu ses mediadora
Ue chin fide vera ses janada
Accunortu de s ' anina affannada
Ch'isperat sol'in Te in s'ultimora.
Timenne sa cundenna capitale
Ii naschit in s'oju in sa pupia
Sa lagrima de s' operadu male.
A Tie su rimediu Maria
Ti timannat d ' ogn'essere mortale
Su perdunu in s'ultima agonia.
Motto: ISFOGOS D'UN'IDEA
SU MATRIMONIU
Cal'est s'or'in sa vida sa pius bella
Dulch'e melodias a sós amados
Chi radun sos coros separados
In d'una vid'inconnott'e novella
E si vaghen'a pare sentinella
Pro cantu dae Deus son lassados
Si colan de amore vaeddados
Una vida de benedizione
E dae cussa nobile unione
Naschit e benit una parentella.
Cantu bellu s'aparit su caminu
traversanne su campu 'e sos amores
In mesu de violas e fiores
Duos coros albergat unu sinu
E dae cussu incantevole giardinu
Semenadu de grazias e favores
N ' istraen sos profumos e odores
E ne rennen s'ispiritu animadu
Bene chi ; sa natura hat regaladu
Vinament 'a su poveru e mischinu.
Motto: ISFOGOS D'UN'IDEA
| Titolo | Pro Città di Ozieri 1958- Pro sa Beata Vergine de su Rimediu- Su matrimoniu |
| Sezione | |
| Autore | Isfogos d'un'idea PSEUD |
| Nome | 1958-41 |
| Anno | 1958 |
| Argomento | |
| Descrizione | |
| Lingua | |
| Editore | Premio Ozieri |
| Contributore | Tecnoservice s.r.l. |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1958 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |