Informazioni sull'opera
Primmu amori
Diciott'anni
primmu russettu
calzi vilati
primmi tacchi alti
passu inceltu.
Se' intratu illa me' 'ita
comu lu soli
eri lu soli
l'alenu di lu mari
la luci splindenti di la dì.
Vivìa succendi guttigghj
di luci a li stelli
aìa ill'occj l'unielsu.
Parauli scaàti da la rocca
li mei
spelti e sciolti
li toi. A man'a manu
aemu palcurritu li culori
d'un branu cu campi
stilminati di tarabucci
multa e pappàveru.
Dapói la luntanànzia ha svintinatu
lu me' ritrattu. Se' paltutu inguddhjtu
da la fumàccia. Lu rigóri
di lu 'arru ha ghjlatu li me' spiranzi.
Pa' mesi agghju campatu tustendi
radici a la tarra pa' tissì
la mantiglia di la sminticànzia.
Cassà si puru tu
calchi 'olta
ammenti
o si la flotta di l'anni ani mundulatu
li cialdini rosati
di un primmu amori cioanili.
Maddalena Spano Sartor
Valledoria (SS)
14/05/1940.
Via degli Astronauti 2/D
07100 Sassari.
Tel. 079/299538.
Titolo | PRIMMU AMORI |
Sezione | |
Autore | Maddalena Spano Sartor |
Nome | B20060071 |
Anno | 2006 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2006 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |