PISCADORES

Ruzos massajos de mare
cottos a sole
cundidos a sale
bessini
sa notte a piscare
cun retzas e remos
e arvadas de linna

sulchende su mare
che campu laoradu.

Tremulas lughes
che isteddos in chelu
ischidan sos pisches;
si pasan sas undas airadas
e dormit in terras lontanas
su 'entu 'e burrasca.

Sos remos ispinghene
sas velas istraccas
e si moven lezeras sas barcas.

Si tudana sas tundas lamparas;
ch'isvanit che neula sa notte
lassende dorada s'aera.

Bidene attesu
minore

a ojos a sole
sa 'idda

sa rocca e
in altu
su faru
che nidu de astore


Sos piscadores

nde tirana sa retzas
pienas de pagu piscadu;
intro su coro beffadu
che torrana a sa 'idda s'ispera.