Informazioni sull'opera

TESTO


PIPIEDDA.

Cantu bortas t'hant iscrittu
dispresceris in su coru
frastimendutidd'in craru
facci a soli

facci a bentu?

Discuntentu m'has lassau
cun su coru annuilau;
in is manus m'has lassau
un'affrochillad'e bentu

chene animosidadi.

No pretendu una bundàdi
ma unu spizzulu 'e ricchesa.
Marigosa est sa mesa
oi dda biu spraudìa;
biu prangendu su gragallu

arriendu est sa pratta
cun sa cena beni fatta.
Ah!!!
Ohi! Ohi! Su sentidu...
no nd'agattu mancu fridu

scétti lagrimas callenti
po ti prangi

pipiedda!!!

Appiccada a sa 'unnedda

lambrigosa
ispantàda

scabudàda ce custu mundu
chi ti girat scétti in tundu;
bai serena...
ca tui tenis sa fortuna
de baddai
dogna notti cun sa luna.



SCHEDA DELL'OPERA
TitoloPIPIEDDA
Sezione
AutoreDante Erriu
NomeB20030024
Anno2003 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2003 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo