PESSIMISMU

I°

In segretu mantenzo sos eventos
e resingada s'anima a s'ugh'enidi
mal'e bonu supporto, ma cumbenidi
chi giogas no ispliche ne lamentos

tantu si mi lamento nudda nd'appo
ne bi godo si mustro s'allegria
prìte s'umana odiosa Zenia
s'allegrat solu cando male acciappo

Restat pro cussu s'istima firmesa
subra-s'anima mia dominante
e pro regul''e vida sa bastante
lezittima tep'haer fieresa

Appp'a trascurrer cun giustas regiones
sa vida in apparenzia serena
fin'a lassare cust'adde piena
de lagrimas e,malas passiones

Cando cust'esistenzia est finida
s'anima s'ada poder seziare
e finalmentetet tand'agattare
sug'hat chircadu invanu in custa vida

Don Caralu.


A un'anzonedda,

I°
Anzonedda dae s'ama
no t'allontenes guai!
mira chi no s'ischit mai
ite ch'ada in custos logos,
bentos nies e abogos
ti poden fin'agattare
e tando faghes istare
su pastore giama giama.

2°
Ist'inoghe in sa pastura
impare chin sas cumpanzas
e s'enit bentu t'affranzas
in calchi logu appozzosu,
senza lassar'in penosu
istadu,su tentadore,
ne belidend'in dólore
lassas pro te una mama.

3°
Ist'attenta ch'in sa giura
ch'istat sempre su mazzone,
e si t'idet car'anzone
che le finis in sa tana,
lassa cuss'idea vana
d'andar'asi a conca tua,
si no in giaru o accua
la finis in calchi trama.

4°
And'accumpanzada e brama
d' aer sempre cumpanzia,
ne t''ttiret sa moddia
de sos gentiles fiores,
ne de serva sos colores
ti fattan s'àma lassare,
ne ti fattas attirere
da un'occulta fiama.

DON CARALU.


Paga de mundu.

Chercu famosu,mannu,seculare
chi maestosu ses che monumentu
e solis sos passantes invitare
e ti fissere s'ogiu a tott'intentu,
cant'isfided'has tue abbas e bentu,
enie,mi lu potto immaginere
e canta zente has devidu aumbrare,
cant'has fatta pastores e armentu.
Ses unu sacru asilu in custu logu,
ses appozzu a s'errante pellegrinu,
ses a chie ti miret disaogu.
eppuru oe pro beff"e su destinu
t'ind'etten pro ti ponner'a su fogu
e pro nde fagher calchi traversinu.

Don Caralu.