Perlas in monte

Ch'abbrando sas fadigas in sa idda
e chilco unu retiru
in su dossu 'e su monte.
0 suave Zeffiru,
dàemi tue su primu saludu:

Paràccos d'eligheddas
fachent de sentinella
a percas e concheddas
ch'in su tempus antigu
hant ospitadu bandidos famosos
e forzi hant fattu 'a zella
a omines eremidas
chi fint de santidade disizzosos.

Non abbastant sas laras
a esplicare su chi sento in coro.
Basta chi, in dies giaras,
bides dae sa sedda marghinina
bellos che prendas raras
sos paisis ch'allevat Logudoro;

o si sos ojos tones che astore
iscoberis sa. riga 'e sa marina.

Domenico Virdis
( Sassari ) ANELA