Informazioni sull'opera

TESTO


Passazu in ierru

Semus in ierru
coro meu.
Sa iddia si est pasada
in su tallaranu antigu
e frittu si allumat
s'arghentu 'e sos isteddos

Ma cantas lunas
ghiradittas
sunt faladas
in su pendinu meu
cun imboligos de ammentos
e de tempus
ottora frimmu
in sas anderas 'e su coro

Ei como?
Ite poto contare como
in su pasu
a custu iscampiu 'e vida
chi ancora mi cantat
imbraconada a sero.
A custos versos penados
chi chena rejones
m'iscussertant sa conca.
Cale su sensu
de dare a sos meledos
allorigados in su silentu
de custas inutiles torradas
chi si perdene
comente attumbos lebios
intro su turmentu 'e sos passos.


SCHEDA DELL'OPERA
TitoloPASSAZU IN IERRU
Sezione
AutoreStefano Flore
NomeB20030029
Anno2003 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2003 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo